Mi ne estas ia "estro" de AA; fakte AA ne havas tiel nomindan estraron. Ĝi estas serva organizaĵo, tute demokratia, kies membroj rajtas kredi ion ajn kaj agi iel ajn laŭ sia elekto — eĉ rajtas reebriiĝi (kaj ve, ja multaj elektas praktiki tiun rajton ;-(). Tio, kion mi skribis en tiuj ĉi paĝoj, estas tio, kion mi opinias utila por informi al esperantistoj, kiuj eventuale volos mem sobriĝi, aŭ konas iun (intimulon, parencon, ktp) kiu bezonas tian helpon, aŭ eble nur interesiĝas el intelekta vidpunkto pri movado, kiu tiom multnombre disvastiĝis kaj efektivigis tiom da ŝajne neeblaj sobriĝoj.