An I - Numar 5 - Articul 1
Note pal turist: Ca o sin in Friûl!
Cuant che un forest al ven culì, magari un nestri parint o un amì di lontan, la preocupazion e je chê di cjatâ fûr i puescj plui biei dal Friûl di fâi viodi. Preocupazions no varessin di sei, par vie che te nestre tiere i biei puescj no mancjin dal sigûr ! Purtrop il "lûc comun" par un forest al è chel di cjatâ lis stessis robis in dute l'Italie (la vignete ca in bande no va tant lontan de realtât ...), e chest al fâs rabie parcè che, par esempli, ca in Friûl a son mil robis bielis di viodi e di "cerçâ" che no son in altris puescj d'Italie o dal mont. No stoi culì a nomenâlis o contâlis, ma, invecit, o invidi ducj i furlans a fâ scuvierzi chestis bielecis a chei che ur domandin un tant, o ancje se no ur al domandin! O disarai di plui: i prins turiscj dal Friûl o varessin di jessi nolatris (jo in prime persone), che ancje se o savìn che il Friûl al è un "struc dal mont intîr", ciert al è che pôcs di nô lu an bevût dut!
VICTOR TOSORAT
|