Si riunive ai 29 di Setembar, te zornade di sant Michźl, ma dal 1513 i siōrs e Vignesie tal an abulīt.

Sostignude dai Savorgnans, la int dai borcs de citāt di Udin no ą acetāt cheste imposizion.

"...Si riducono a loro piacere in luoghi loro particolari, nč quali intervengono cittadini d'ogni conditione, come ho detto in grosso numero, senza non solo che vi assista alcun pubblico rappresentante, ma neanco ne habbi alcuna scienza il Luogotenente di Vostra Serenitą":

chest bacilā, vie pai Sīscent, di un governant venezian dal Friūl che scrivint al so Dōs al pesseave a visālu de vivarositāt un pōc masse "gaiarine" des sambleis che a funzionavin ator par Udin ta chei timps, al č juste un document, sigūr no l'unic ma al dīs dut, di une voie di jessi dentri indulą che si decit des propis robis che, se propite no tache cu l'idee "tradizionāl" dal Furlan che al cjape ordins e che al tās, cjalant la Storie e podeve ancje jessi forsi un vanzum di chel spirt democratic che al tignive sł il Comun primarūl e che il Renc "in quo omnes cives, artifices et populares terrae devenire et intrare possunt pro omnibus et singulis provisionibus fiendis", cemūt che si diseve di vie pal Cuatricent, al č stāt, des instituzions, la sō derivazion plui gloriose. Chest Renc, come dī la samblee dai citadins cence nissune bariere sociāl e parone de "sovranitāt" de comunitāt di Udin, al č stāt, inmņ di cuant che al č partīt, juste l'implant plui turbolent, come politiche, di chź organizazion dal puest, che si č cjatade verementri a jessi a pār cuntun implant di chei dome par ministrā sōl che la volte che chel Renc lu an abulīt di vie pal 1513, che a son stāts chei di Vignesie e i siōrs di Udinche a volevin gjavā al popul il predomini che ti veve come numar, che in chź volte intor di chel si picjavin juste ben ancje i siorats di Savorgnan che a tratavin di jessi princips lōr de "Patrie dal Friūl". Tal moment, alore duncje, che un Consei "sierāt" cun dentri juste 150 nobii e 80 dal popul che a vevin dirit di eleisi ogni an chei dopo di lōr, al ą cjapāt il puest di chel Renc che si dīs, fevelant dai dirits chei politics, a Udin, cussģ, i citadins a an finīt verementri di sei ducj "compagns". I borcs de citāt, in chź volte, inalore, si son cjapāts sł lōr l'ufizi di pandi la rabie dal popul, batūt di chei cuatri siorats che a volevin vź dut in man lōr cuntun titul di "nobil". Un studiōs culģ dal puest, il Battistella, al ą butāt in ridi chź rabie de int, che, par lui, "i popolari codesto Arengo lo rimpiangevano con un?insistenza uguale all?inerzia con cui, finché durava mal vivo s?eran curati di esso": cence stā a pierdisi daūr di butadis che a an mani sģ e no - che lis "disputationes" e lis "contentiones" di ciertis riunions dal secont trat dal Cuatricent, cemūt si spieghino, inalore? - si ą di dī che chź "insistenza" e jere juste un mūt di pandisi dal vivōr politic di un popul che al č di stupits pensā che al fos nome un mani di pale dai siorats di Savorgnan. Che, di fat, suplichis, protestis e ats teroristics a son stāts propit la maniere di butāsi fūr de reazion di une int che lis sōs resons a vevin un mani ancje di "consuetudini et antiquissimi costumi" che, te politiche e sul front de civiltāt, si calcolave di no mai podź tocjāju. Scjafoiant i dirits chei politics de plui part dai citadins e dant mūt a tancj di mancul di jessi dentri a messedā i afārs di ducj, l?at che al ą abulīt il Renc e metūt sł il Consei ristret al č lāt juste ben plui inlą dal ricognossiment di une vieste legāl a di chel predomini dai siōrs intes cjariis di elei che al jere za in vore "de facto" di agnorums: al č stāt un "abūs", pardabon une "ofese" a lis tradizions de citāt e a la dignitāt dai siei citadins ... chei no "aristocratics". E chest dut tal mintri che ator pal Friūl i Rencs di une volte ancjemņ a funzionavin e che i contadins des campagnis a jerin dabon su la strade di rivā a vź un Consei che ju rapresentąs te forme plui uficiāl: si fevele de "Contadinance". "... Gią fano tresento anni et pił questa terra si ą gubernata intravegnendo citadini et populo unitamente neli consigli et congregationi solite secondo li ordini antiquissimi, soi statuti et consuetudine ?": il dirit di partecipā, tant clamāt dģ chel popul di Udin che fin dal an 1513 nol veve nome votāt conseīrs e uficiāi dal Comun ma ancje si jere cjatāt a decidi su cuestions di politiche in grant tant che aleancis, dedizions e ribaltons, al jere alc di "naturāl", che al jere dentri intune civiltāt dal puest che la difese dal so implant no domandave, ancje se si zontavin po dopo dispčs, des resons di politiche e/o ancje robe sociāl. Un propi interčs, un comut di altris: a ogni mūt chel dirit al vignive clamāt come une tradizion, che e je stade ben chź la "bandiere legāl" ma ancje chź "culturāl" di un saltā sł de int che il so zigo vueresc "Savorgnan! Savorgnan!" dal sigūr no i gjavave ni fonde civīl e ni mani sociāl. Si lu sa: ce che il Renc popolār juste al impersonave come instituzion al jere un principi di comunitāt che ogni an ti clamave in adorazion ducj ai 29 di Setembar, che e jere la dģ destinade che a usavin a fā lis riunions de samblee che il so non (di lidrīs langobarde: "har" = "esercit" e "hrings" = "circul"), la sō division interne (daūr di chź militār de citāt, dividude che e jere in"cuintīrs") e i siei sants "protetōrs" come dī lis zornadis che e jere l?usance di fā lis riunions (sant Michźl ai 29 di Setembar e sant Zorē ai 23 di AvrīI, che perņ a an molade l'usance tor dal an 1370: a ogni mūt, propit ducj sants vuerīrs!) a varan vūt sigłr a ce fā cul principi di citadinance che ti vevin ai timps, che, di fonde, e sarčs stade juste come dī une fradaie di difese: e fradaie al sarčs stāt come dī lā a spartī chei dirits e i dovčs che a vignivin dal fat di jessi dentri inte comunitāt che si jere.

ALBERT TRAVAIN DI UDIN