Il plui brâf di Cjavrîs al jere Meni Valent, che al centrave une lisierte cu la fionde a 6-7 metros: le "lecave". Cuant che o jerin mularie, o jerin abituâts a vê ducj la fionde in sachete. A jerin di chei che a vevin une smicje formidabil. E il cjamp di bataie al jere te strade basse di Via Monte S. Michele. Il confin fra Padier e Cjavrîs al jere sul rilevât feroviari de "Osovane". Cuant che cualchidun al cjapave cualchi brute fiondade - o jerin un siet par bande - chei di Cjavrîs a scjampavin te blave e a levin fûr in Viâl Tresesin. E cuant che chei di Cjavrîs a rivavin a sconfizi a sun di fiondadis chei di Padier, chei, par no fâsi viodi dai gjenitôrs a scjampâ, a levin jù pe stradele di Via del Maglio, che e cor tal mieç dai cjamps. Par no fâsi viodi dai gjenitôrs che chei di Cjavrîs ju cjapavin a fiondadis. Al jere l'armistizi dome d'astât, cuant che si cjatavin a nadâ, di scuindon dai gjenitôrs, te roiute di Vât.

CHECO NARDUÇ