NOVO, neoficala grupo fondit ante 2 yari kun la skopo di reformar Esperanto, adoptis sua unesma interkonsentaji pos baloto di sua membri en 15 divers landi. Quankam generala konsento ne ja realeskis pri partikulara gramatikal reformi, preske omna membri interkonsentis ke:
1-La bazo por la reformi esus plubonigar moderna Esperanto, e ne developar tote nova planlinguo (konstruktita linguo).
2-La alfabeto devus konsistar ek la 26 literi dil latina alfabeto, sen supersigni.
3-NOVO devus pregar divenar filial organizuro dil Universala Esperanto-Asocio (UEA).
Semblas tamen neprobabla, ke ca triesma decido efektigesos. La guidantaro dil UEA nun decidis interdiktar la NOVO gupo uzar la pagini dil monatal revuo Esperanto, e quankam la grupo kontestos ca decido che la Universala Kongreso di Esperanto en Valencia, chanjo di opiniono judikesas neprobabla.
La majoritato dil reformeri anke opinionis, ke Esperanto devus esar
plufaciligata, ma esis plura voti kontre co. (Supozeble li pensis, ke ol
devus esar pludesfaciligata!) Altra propozaji, qui ganis majoritato, ma
ne charjeganta, suporto esis ke:
La grupo editas periodala buletino NOVA PROVO (=probo) (en original e reformita versioni di Esperanto) ube propozanti di diversa chanji pledas por reformi. La maxim recenta numero traktas vidpunti pri temi quala la neceseso forigar la sexismo inheranta en ula vorti ed afixi en Esperanto, la desfacilaji por paroleri di aziana lingui en lernado di Esperanto, e quale traktar la avalancho di angla-linguala neologismi en informatiko, ultre partikulara propozaji pri la alfabeto e gramatiko.
Por plua informi, on skribez a: NOVO, Bajonetstraat 78, NL-3014 ZL Rotterdam, Nederlando
Plura yardeki ante nun aparis en Idista Revuo grav artiklo sub titulo "Ka penvaloris laborar?"
L'autoro traktis kun sincereso, sentimento, qua lore tentis kelkafoye l'Idisti. Ma to ne impedis li durar kun persevero; li respondis al dubiti ne per argumenti ma per agadi. Li konsideris devo transmisar la mesajo sen tamen obtenar la dezirita sucesi.
E danke a li arivis nova generaciono, qua povis prenar la torcho, ne nur por mantenar, ma por realigar multa novaji: studiuri profunda pri la principi dil Ido-linguo, salvo di lia literaturo, kompozo di originala verki, redakto di nova lerno-libri, valoroz artikli ed aktivesi de multa sorti.
E yen ke nun arivis texto quan vu lektos kun kontenteso: ol sendesis da nia skota samideano Ed Robertson a qua ni expresas nia tre sincera gratitudo.
To eventas precize kande ni balde celebros en yaro 1994 to quo es por ni grava dato, bon aniversario: cent yari ante nun Zamenhof ya propozis sua Esperanto reformita, frukto di experienco ed experimenti, la maxim bona certe ek sua quar Esperanti.
Louis de Beaufront, qua refuzabis ol in 1894, egardis ol en 1907 por sua propra labori, ed ol esas do un ek la bazi di nia linguo.
Pri la temo dil artiklo e pri la studiuri dil reformista grupo NOVO,
esas tro frua facar detaloza komenturi. Ma ja nun omni povas konstatar,
ke to esas vera justifiko dil intenci e dil labori di Louis Couturat e
dil Idista pioniri. E samtempe por ni rekompenso por nia esforci ed incito
por perseverar.
Por irar ad la oficala Ido-pagino
Ica pagino es donata da Geocities
Havez vua propra senpaga TTT-eyo