哈哈~我都係唔知幾多歲影~~我肥O者O者係咪好cute呢~
但係點解我D手手腳腳好似同個身唔岩比例既~

如果我媽咪冇講錯既話,呢度係海馬公園!
唔知點解佢地敢大膽放我係一碌唔夠我兩個patpat坐既柱到,
一個唔好彩跌左落黎就係敢先!!!

恭喜發財!恭喜發財!利是豆來!
呢張相我諗係我最~最~最肥果時影架喇!個肚腩大過條車呔呀!
個頭又大又圓,以前有D aunt成日叫我"麵包"同埋"蕃薯"~
話我個頭成個包敢脹仆仆同埋成舊蕃薯敢~

呢張就係大約四五年班時係舊居攪既生日party喇~
果時我已經好澎湃架喇~年年生日都攪生日會,直至六年班先冇攪~
果時仲好興聖鬥士架,睇我件衫已經知喇!
仲有!各位,請望望張相既右手面,有個黃金聖鬥士!估唔估到係咩星座呢???
答案係人馬座~都唔知點解會送人馬座俾我架,我明明係獅子座,
又唔係鍾意人馬座~唯一可以解釋既係人馬座價錢最平~
個玩具唔知去左邊lu~~而家想買番呢D聖鬥士要成幾百蚊,
早知當年唔開盒留番而家黎炒喇~真係有早知冇乞兒囉~

係喎~~好似未介紹我隔離果個人添~
佢就係我由幼稚園識到而家既老死喇! 老友指數十分爆燈呀!!!