"今次到邊個呀?"KEN細細聲同我咬耳仔~
"瘦仔!"我用眼神同佢溝通!望住瘦仔~
"唔得喎!佢今日仲要借GTO俾我地睇架!"KEN極力反對
(我一時驚醒,係喎,岩岩出左GTO,我地成班正係得瘦仔先有GTO!)
敢我地二人既眼神同時落到下一個目標--春怪身上~
我地再同焦仔,波牛,阿K,瘦仔同大力用眼神交流直至大家都知道小息既 目標係邊個就開始行動~~~

首先,我地笑咪咪敢望住春怪,春怪心知不妙~正想跋足而逃!
可惜,我們有的是力量!大力單憑佢一人之力已經將春怪的去路擋住~
再加上我地各人平時訓練有素的默契,一個負責羅粉筆粉刷,一個捉腳兩個 捉手!將春怪成個抬起的番去我地'死亡鐵三角'既位置~(死亡鐵三角就係 將我地既目標祭旗既地方)
我地幾個就好似D癲佬敢係春怪身上亂敢寫亂敢畫(但係我地好有品德架, 正係用白粉筆,方便清理同埋冇敢易俾下一堂既老師見到!)
波牛同大力一人幫佢除一隻鞋一隻襪~我就不斷用白粉筆畫佢條褲!(灰 色褲加白色粉筆,幾型呀!)焦仔玩厭左佢見白恤衫喇,開始除開佢D褸~KEN 就用緊個粉刷幫春怪果頭染頭髮喇!至於春怪,佢已經再冇任何力氣去掙扎, 只好就範!(現實就係敢殘酷,成班人圍你一個係冇得反抗!就算連大力一個 揪四個敢勁既都冇可能反抗到!)

我地班人咩都會玩,總之淋水,將D粉筆塞入耳仔同個口等等都會玩~
只係有一樣野唔會做--除褲!!!!!
就在我地玩得興高采烈之際,有個人影突然經過,呢仔友仔好順手地拉開左 春怪條褲鏈就雞敢腳走左喇~至於呢條友就係哨牙仔~(叫得哨牙仔排牙緊係 哨得勁喇!如果有鬥快食西瓜比賽,我買重佢贏呀!)

"哦~有人破戒!"阿K大聲敢話
我地成班既視線望完春怪既重要部位就係度搵兇手--哨牙仔喇~
但係佢來無影去無蹤,佢已經離開左班房lu~
"春怪,佢玩敢大,你出一句聲,我地幫你攪掂佢!"我開始引導佢叫佢報仇~
(點解我好似講到江湖仇殺敢既~)
"係囉,係囉!唔好忍喇...最多我地幫手者~"KEN幫我口
跟住我地就商量好點樣行動...........

上完最尾果堂bio喇~我地個個笑咪咪敢望住哨牙仔,佢想以極速離開班房, 好可惜我地有最強後盾--大力(一個個子不高但手臂粗過你大腿既鐵人), 佢一個已經將哨牙仔捉番入班房,我地今次就將佢放係張木台上面祭旗, 我地各人做番自己要做既野,今次我地連條褲都幫佢除埋~
原來佢條底環係X色~(唔講敢多,自己估下喇~總之唔係白色)
跟住我地各人有效率地撤退喇!

成件事既發生經過就係敢喇!