狂秋日記

小心說話

我最近填左首歌，d歌詞其中有一段係關於時下青少年崇拜黑社會d不良風氣，內容當然係導人向善啦。但係

既然係講黑社會，咁樣係唔多唔少都用d粗d的語言啦。但係所謂粗我都唔知係咪屬於黑社會背語。不過首歌

寫好之後，居然有人話係，仲話最好唔好在電台播放咁話。我到而家都唔敢講個詞語咪黑社會背語，亦查唔

到來源，唔知佢地根據乜野，係咪自為以就係？如果有根據的話，我真係想請教一下。

所謂黑社會背語者，望文生義，一定要同黑社會有關先至算也。黑者暗也，背係背後的意思，即係話背語呢

一種語言一定要含有背後，不正面的性質先至可以稱之為背語。如果大家都講，大家都明白其義，成為日常

用語的話，咁仲背乜撚野語呢？就好似話'你好嗎'，呢句咁簡單的說話，相信大家都知道乜野意思喇。但係

如果呢句話唔係同表面的意思一樣，而係指陣間去打劫，而且仲係某一個文化圈入面的流行用語，咁呢句說

話我地可以稱之為暗語，背語，甚至黑語喇。但係昔日稱之為背語者，隨住時日的推移，下半層的散播，大

家知有好多已經不覺咁流入左我地的生活語言入面。如果要追其根源，咁咪有好多野我地唔講得？

背語的發生在當時黎講可能係一種粗俗的語言，但時移世易，到而家好多都變成非常文雅，真係靚到你估都

估唔到當日係黑社會語言。可能我地而家的語言已經進入左前所未有咁粗俗，所以對比於呢d普及化左的黑

語，我地而家的用語反而變成俗不可耐。

寫左咁多野，完全係因為我寫那句歌詞引發左一d問題。係詞入面我用左"撻朵"兩個字，就係咁所以有人話我

用左黑社會背語，建議最好唔好播。當然，就算欏上電台都冇人同我播。如果撻朵都係背語，咁每日在電台

入面dDJ講的說話入面，何只兩個字咁簡單。等陣我自然會舉例俾大家知。撻朵昵兩個字係咪黑社會背語我唔

知，但係我曾經在粵語長片黃飛鴻入面都聽石堅講過幾次。大家都知道以前d黃飛鴻電影幾咁正氣，所以我覺

得撻朵似係廣東俗語多過背語。但係既然有人話係背語，於是我就走去查下書，睇下出處源流。點知查廣州

方言詞典，又查康熙都搵唔到。到最後唯有查黑社會文憲喇，可惜在手頭上的兩本"洪門的秘密"同"清幫史"

入面都搵唔到乜野，如果有人知道撻朵的源流出處請來信告知，感激不盡。

雖然查唔到d乜野，但係就俾我查到另一d好得意的野。原來我地而家用緊好多的日常用語，都係來自黑社

會。有好多甚至是電影，電視，報章雜誌之中常見。更甚的就係警察同埋政府部門都用。如果話撻朵唔應該

寫入歌詞或者被禁，咁咪連政府都要收皮？唔信呀？睇野啦細佬。

我地成日講：佢係一個"新丁"，原來係黑社會背語。即係新會員咁解。咁以後我地唔好講新丁喇，講新人

啦。不過講新人又可能會俾人話淫猥。咁不如話仔啦，字面又唔可以完全表達到新人加入的意思，唔清唔

楚，好容易俾人話係新興黑社會背語。總之凡係黑社會會員講的語言都係背語，我地唔可以引用，更加唔可

以寫成文字。咁死喇，佢地差不多全部都講廣東話架窩，以後大家講英文，英國冇黑社會。

背語的標準係不能從其表面意指理解其含意為是。即係"你好嗎"原來意思係小你xx，咁一定係背語，社團語

言，因為一定好少人知其意思。以下舉出一d例子，其來源全部來自黑社會，但係已經成為日常用語。

"發誓"，黑社會背語叫"宣誓"，唔知點解法庭會用？

"原諒"，背語稱之為"海涵"，嘩，比起個d對人民語言一無所知的白痴嘴裏面放出黎的臭

屁文雅百倍。如果有人叫我海量汪涵原諒佢，我直情肅然起敬，咁有學識，點會諗到原

來佢係講緊黑社會背語？

"欺騙人"叫"瞞天過海"。

"鴨"叫"扁嘴"，呢個連三歲靚仔都識，開講話"扁嘴鴨"是也。

"頭髮"叫"青絲"，非常文雅，連唐滌生都用。

"見面請叫"係"請教"，以後大家唔好咁斯文，見面就講："你叫乜名"算喇。

"立等回信"叫"雙掛號"，原來郵局都係黑社會。

"唔怕事"叫"有種"

上完呢一課，大家以後仲敢唔敢講野？

取自狂秋日記

請支持環保！