Ailean Duinn, a Nì 's a Nàire


[Séisd:]
Ì 's na hug orainn o hò,
Ì 's na hì ri ri ù.


Ailean duinn, a nì 's a nàire,

'S goirt 's daor gum phàigh mi màl dhuit:

Cha chrodh-laoigh, no chaoraich bhàna,

Cha bhola, cha pheic, 's cha mhàm e,

Cha nì, chan innsridh, 's chan àirneis,

Ach an luchd a thaom am bàta.

Bha m'athair oirre, 's mo thriùir bhràithrean,

'S laogh mo chuim a rinn mi àrach.

Chan e sin a léir 's a chràidh mi,

Ach am fear a ghlac air làimh mi,

Leathanach a' bhroillich bhàn-ghil --

'S e thug o'n Chlachan Di-màirt mi.

Ailean donn, bé beul a' mhànrain.

A Rìgh nam Fear, bu mhór do ghràdh dhomh.

Gur iad na ròin do luchd-taighe,

Do choinnlean àrd' na reultan geala.