Cha Thréiginn Fhéin Mo Chruinneag Dhonn


[Séisd:]
I hiù horo, hi rì ho-rò,
Cha thréiginn fhéin mo chruinneag dhonn,
I hiù horo, hi rì ho-rò.


Ciamar dh'fhaodas mi bhi sunndach,
Agus cùl mo chruinneig rium.

'S ann a chuir i dhìom a gaol
Mar thilgeadh craobh a duilleagan.

'S ged a shuidhinn air cnoc leam fhéin
Gur gann gun till i tuilleadh rium.

Cha thréiginn-sa mo chiad bhean òg,
Gur math thig cleòc' is currac dhith.

Mas e tochar bha thu 'g iarraidh,
Gheobh thu chiall nas urrainn sinn.

Dusan dh'an na h-aighean ruadha,
Miosrach, cuachach, cuinneagach.

'S fhad' tha mi am port an Eirinn,
'S bochd mas fheudar fuireach ann.

Tha "man-o-war" a muigh 's a' chaol,
'S i air gach taobh le gunnaichean.

Sìos is suas air feadh a' chuain,
'S a bratach suas 's a "culars" ann.

Chan fhaod sinn togail o thìr,
Is geàrrd an Rìgh 'g ar furachas.

Ciamar théid sinn a Chaol Ile,
'S àm a bhi gu furachail?

Loisg na peilearan m'ar ceann,
A' bristeadh chrann is ulagan.

A' ghaoth a deas a dhèanadh feum dhuinn,
'S ann a thréig i buileach sinn.

A' ghaoth a tuath a rinn an call,
'S i chum am fang na dunach sinn.