Gaol Mo Chridh'-Sa Màiri Bhàn

[Fonn / Tune]



Gaol mo chridhe-sa Màiri Bhàn,
Màiri bhòidheach, sgeul mo dhàin,
'S i mo ghaol-sa Màiri bhàn,
'S tha mi dol ga pòsadh.

Thuit mi ann an gaol a-raoir,
Tha mo chridh-sa shuas air beinn;
Màiri Bhàn rim thaobh a' seinn,
'S tha mi dol ga pòsadh.

Cuailean òir is sùilean tlàth,
Mala chaol is gruaidh an àigh,
Beul as binne sheinneas dàn,
'S tha mi dol ga pòsadh.

'S ann aig cèilidh aig a' Mhòd
Fhuair mi eòlas air an òigh;
'S ise choisinn am bonn òir,
'S tha mi dol ga pòsadh.

Bidh mo ghaol do Mhàiri Bhàn
Dìleas, dùrachdach gu bràth;
Seinnidh sinn da chèil' ar gràdh,
'S tha mi dol ga pòsadh.