Dende equí queríemos dar les gracies a tola xente que nos echó (y nos echa) un gabitu a la hora de facer esta web sobro la música folk que se fai anguañu nel nuesu país. Nós, Vítor y Hugo Xabel, somos dos aficionaos a la música celta y solos nun podríemos fer esti llabor. Poro, prestaríanos enforma dar les gracies a la xente qu'asina nos entiende y nos aida falándonos de nuevos grupos, conciertos, discos... Ye percenciellu, nun hai más qu'unviar un e-mail (siempres que furrule Mixmail) . Gracies fonderes a:

• A tola xente, especialmente a los grupos, que nos punxeron un link dende les sos webs, gracies Llan de Cubel, Xéliba, Felpeyu, N'arba...

• A los grupos y músicos que collaboren dándonos información vía e-mail, gracies Skitarna, Cuerria, Nenyuri (los nuesos corresponsales en Madrid), Corquiéu, Niundes...

• Gracies perespeciales a Aurelio Argel, por ser la principal fonte d'información pa nós dende Radio Asturies o Les Noticies. Tamién a la revista Entrambasauguas poles anuncies que recoyemos d´esa fastera.

• Y al Anuariu de la Música Asturiana por ser una gran aida pa nós y pa tolos grupos de la nación.

• A la xente que nos votó como meyor web céltica del Estáu Español. ¡Tais llocos, hailes muncho meyores!

• A Iñaki Peña por radiar música asturiana.

• A Lisardo Lombardía y a Xune por trabayar pola música ensin facer casu de modes.

• A tola xente qu'echa una güeyada nesta páxina, MUNCHES GRACIES!!!

De xuru qu'escaecemos a delles persones, perdonái la nuesa mala memoria.