Brian m. Echach Muidmhedoin
maith a mc. sa mhaicni
a clann chaemh ni duibhdheireoil
ceitri mc. fhicheat aigi
Dai galach fial forglidhe
docuaidh a ainm i llethead
ferr in deaghmac oirnidhe
naid na ceitri mc. fhicheat.
Brian bagnna borb bealaigh
mc. Echach mc. Muiredhaigh
laech do Laighnibh adchuala
ros bith a cath Damcluana. {89b}
In tra is Foich no is Beach
adcim ag imluagh na creach
is mairg duini dana toic
sluagh na scarand {89b cont’d} buar ri neach.
Lorcan lasadh isan ath
co fobhair cath i cath cruaidh
doni Lorcan gongail ngaith
dlochtan do cinn laeic goluat
Ceitri mc. ag Fergna
gidh at tuaite a neirim
Feradach is Dicholl
Aedh Find & Brenaind.
Clann Dicolla godeimin
Bibhsach Borran na ceiligh
Canan Scolban saim sreath
Aingein & Boccanach
Sinnseur Cenel mBrenaind mbuain
Duichad detla gondeghbuaidh
is uadha ni breg ata
Tellach ndetla nDuncadha.
Is uairc don tig ita tu
a I Ruair a ri bil bria
ni oil aidhi is uaisli ana
da mbai eter daine acht Dia
In domhan o thuind gotracht
gomonudh muing mara teacht
ta duine is coru ar a cuairt
a I Ruairc moir Muighi Slecht.
O roghaed Eachtoir dun Greig
(no) Aichil gan breig ar Trai suairc
ni romarbadh anroth an
imar o ran righdha Ruairc.
Da aicmi doni andsin
do Muintir Ruairc dun righidh
dream du nac dograind in dan
Meg Domnaill s Meg Thigernan
Seacht mbliadna buana nar ghand
degh mc. Tigernain Domnall
gor thoit do crechtaib a chnis
le Muinntir nectaigh nEolais. {91da}
Ceitri mc. cinnset o Artghul
amar do cindis onaemh
Flaithemhail Toirrdhelbhach treorach
Cinaeth Colla ceolach caemh.
Ua Diarmada do dhaimh Duach
flaithi fialgharta na fhath
is cian od cualadar lim
siat cind ar chind & cach
In dunarcain ifhidh manach
is mo nobidh airiseamh
Uatu mc. Datlaich iarcosnam feraind
chaich conadh dosin rocet inrand
Uadu mc. Datlaich gan doig
robai indunarcan nanug
mortadall nobidh monfhir
darmbidh socc aband nasubh.