Historia Radio Caruso Booy (Pagina 2) | ||||||||||||||||||||||||||||||
Y por menciona aserca cu antes pa a habri un radio emisora, tawata requeri masha hopi equipo mes den studio y na e planta transmisorá. Despues di instala tur e equiponan y a pasa e periodo di prueba, Radio Caruso Booy FM Stereo a bay oficialmente den aire 19 di December 1978, cual transmissionan tawata tuma lugar for di e studionan instalá na Boulevard Center (na unda awendia ta situa Seaport Shopping Mall) y e planta transmisorá tawata situa na Tamarijn. Despues na 1980 Radio Caruso Booy a mudá pa e residencia di Hubert Booy na Savaneta, cual espacio situa banda di e residencia a wordo adapta pa un radio emisora, y cual espacio a funciona perfectamente te e dia di awe. Tambe despues e planta transmisorá a wordo muda for di Tamarijn pa Hooiberg pa mihor cobertura di señal, te e dia di awe e planta transmisorá ta situa na Hooiberg, Santa Cruz. Tur material cu tawata bay den aire, durante e epoca aki tawata consisti di, long-play 33 y 45 como tambe cassette y reel to reel. Caruso tawata activo den hopi organizacion nan den comunidad, manera e club di prensa di Aruba cu tawata exsisti antes bao liderasgo di Sr. Jos van der Schoot, team nan di softball y varios otro organizacion mas. Tambe ainda ta fresco den memoria di tur hende con Caruso a logra gana e concurso di comemento, pa e persona cu a logra come mas hopi, esaki ta algo cu keto bay ta wordo comenta tur caminda ora bo menciona nomber di Caruso. |
||||||||||||||||||||||||||||||
Prome planta transmissora di Radio Caruso Booy, Sintronic DFM 1-KA 1 KW FM Transmitter na 1980 for di e firma Singer Corporation | ||||||||||||||||||||||||||||||
Links | ||||||||||||||||||||||||||||||
Home | ||||||||||||||||||||||||||||||
Luis Palao Responde | ||||||||||||||||||||||||||||||
Radio World | ||||||||||||||||||||||||||||||
Siguiente Pagina Historia | ||||||||||||||||||||||||||||||
Contact | ||||||||||||||||||||||||||||||
Name: | Radio Caruso Booy FM | |||||||||||||||||||||||||||||
Email: | radiocarusobooy@hotmail.com | |||||||||||||||||||||||||||||