MATENA LAŬDO

Anim', vekiĝu kun la sun'!

Originalo : Awake, my soul, and with the sun

Vekiĝu, mia animo*; vekiĝu, psaltero kaj harpo; mi vekos la matenan ĉielruĝon : La Psalmaro 57.8 (LBR*)
* animo — LB honoro

Verkis (angle) : Thomas KEN, ĉ. 1695
Esperantigis : William John DOWNES

Fonto : AK 227

Anim', vekiĝu kun la sun'!
Atendas vin la taglabor'.
Vigliĝu kaj kun sankta ĝoj'
Proponu vin al la Sinjor'!
La sun' leviĝas laŭ dekret'
De Li, Kreinto de la mond'.
Laŭ sama leĝo sen vari'
Ĝi kuras en senĉesa rond'.
Simile al la suno mi
Plenumu devojn laŭ la cel',
Kaj per la ebliganta help',
De l' Patra Dio en ĉiel'.
Mi scias, ke mi vagos for,
Se perdos mi la lumon de
La Suno de justec' kaj glor',
Li, kiu savas de pere'.
Ho Vi, la Lumo de la mond',
Direktu min per Via vort';
Briladu ĝi sur mia voj',
Por gardi estu ĝi eskort'.
Animo mia, ĝoju pri l'
Tenanta amo de l' Mesi';
Per Lia plensufiĉa grac'
Infano restos vi de Di'.

Melodio : MORNING HYMN
Komponis : François Hippolyte BARTHÉLÉMON, ĉ. 1785-91
MIDI TCH

TALLIS' CANON: Komponis : Thomas TALLIS, ĉ. 1561 : MIDI DCH*