TTT-Himnaro Cigneta (al la titolpagxo)

PASIONO

En lando malproksime for

Originalo : There is a green hill far away

Kaj ili kondukis lin al la loko Golgota, tio estas, Loko de Kranio. ... Kaj ili krucumis lin . : Marko 15.22, 24a

Verkis (angle) : Cecil Frances ALEXANDER
Esperantigis : Adela ŜEFER

Fonto : HE 55

  1. En lando malproksime for,
    sur verda monta pint',
    krucume mortis la Sinjor',
    de l' mondo la Savint'.
  2. Ha! nedireble premis lin
    doloroj kaj sufer'!
    Li mortis, ĉar li amis nin
    kaj ĉiun sur la ter'.
  3. Por nia savo mortis li,
    pardono al homar';
    por ke ĉielon iru ni
    tra ora portalar'.
  4. Li sola povis doni sin
    por helpi nin al bon';
    li sola povas gvidi nin
    al glora Dia tron'.
  5. Ho, kare, kare amis li,
    kaj elaĉetis nin!
    Al lia sango fidu ni
    kaj ĉiam amu lin.

Melodio : HORSLEY
Komponis : William HORSLEY, 1844
MIDI TCH

Alternativaj melodio:
MEDITATION (GOWER)
Komponis : John Henry GOWER, 1890 : MIDI TCH
ST. DROSTANE
Komponis : John Bacchus DYKES, 1862 : MIDI TCH
ST. FRANCIS XAVIER
Komponis : John STAINER : MIDI TCH
WINDSOR
Komponis : Christopher TYE, 1533 : MIDI TCH
GREEN HILL
Komponis : George C. STEBBINS : MIDI TCH
Rim. : Kantante la himnon laŭ GREEN HILL (ankaŭ nomata STEBBINS), oni refrenigas la (supre kursivigitan) kvinan strofon.

TTT-Himnaro Cigneta
estas filia TTTejo de
Eldonejo Cigneto