TTT-Himnaro Cigneta (al la titolpagxo)

RESUREKTO
RELEVIĜO

Ĝardenen mi venas en sol'

I come to the garden alone
"In the Garden"

C. Austin MILES, ĉ. 1913
Esperantigis : ROS' Haruo, 1999

Fonto : RH

  1. Ĝardenen mi venas en sol',
    dum la rozoj rose plu glimas,
    kaj al mi por ben' sonas flustre: "Jen
    la Dia Fil' proksimas..."
        Kaj promenas ni, kaj min benas li,
        kaj min nomas sia en ver' —
        kaj la ĝoj' komuna dum tempo kuna
        superas al ajna ceter'.

  2. Parolas li; jen, lia ton'
    tiom dolĉas, birdoj silentas!
    Kaj la melodi', kiun donis li —
    en koro mi ĝin sentas,
        Kaj promenas ni, kaj min benas li,
        kaj min nomas sia en ver'--
        kaj la ĝoj' komuna dum tempo kuna
        superas al ajna ceter'.

  3. Volonte mi restus kun li
    en ĝardeno ĝis la vespero,
    sed min vokas for lia voĉo por
    lin servi sur la tero...
        Kaj promenas ni, kaj min benas li,
        kaj min nomas sia en ver'--
        kaj la ĝoj' komuna dum tempo kuna
        superas al ajna ceter'.

Melodio: GARDEN
Komponis : C. Austin MILES, ĉ. 1913
MIDI RH (prilaboro de la midio ĉe TCH)


TTT-Himnaro Cigneta
estas filia TTTejo de
Eldonejo Cigneto