TTT-Himnaro Cigneta (al la titolpagxo)

LAŬDO AL JESUO

Jesuan nomon gloru kun la anĝelara ĥor'

All hail the power of Jesus' name
Jen laŭ MILES LANE

Alimelodiaj Aranĝoj:
Laŭ DIADEM | Laŭ CORONATION

Ĉiuj 3 Kune | MILES LANE laŭ EK

Sen-Sinjor-igita Teksto

Verkis (angle) : Edward PERONNET (strofoj 1-5), ĉ. 1779; John RIPPON (strofo 6), ĉ. 1787
Esperantigis : Montagu Christie BUTLER

Fonto : AK 157 (= Ad 436, HE 84)

Dio tre alte superigis lin, kaj donis al li nomon, kiu estas super ĉia nomo : Filipianoj 2.9

  1. Jesuan nomon gloru kun
    La anĝelara ĥor' ;
    Per reĝa diademo nun
    Lin kronu, kronu, kronu, kronu la Sinjor'!

  2. Martiroj, kies firma fid'
    Proviĝis en dolor',
    Konfesu Lin la Davidid'
    Kaj kronu, kronu, kronu, kronu Lin Sinjor'!

  3. Ho tuta Izraela ras',
    Ekkantu kun fervor'!
    Kuniĝu vi en grand-amas'
    Kaj kronu, kronu, kronu, kronu Lin Sinjor'!

  4. La Kalvarian krucon ni
    Konservu en memor' ;
    Ni danke kantu tie ĉi,
    Kaj kronu, kronu, kronu, kronu Lin Sinjor'!

  5. El ĉiu gento kaj naci'
    De l' mondo, ĉiu kor'
    Aklamu Lin per laŭta kri',
    Kaj kronu, kronu, kronu, kronu Lin Sinjor'!

  6. Kun la sanktuloj ankaŭ ni
    Kuniĝu en ador' ;
    Ĝis en eterna harmoni'
    Ni kronos, kronos, kronos, kronos Lin Sinjor'!

Melodio : MILES LANE
Komponis : William SHRUBSOLE, 1779
MIDI TCH

Klaku por apartaj paĝoj laŭ la alternativaj melodioj
MILES LANE laŭ EK, DIADEM kaj CORONATION
aŭ pri
ĉiuj 3 kune.


TTT-Himnaro Cigneta
estas filia TTTejo de
Eldonejo Cigneto