Carx God

crash car god newspaper

@ http://www.oocities.org/crxmugen2000/car-news.html (geo, no pop up)
or http://welcome.to/cargod (lifetime 2nd address)

2001

NSXXX

year 97 98 99 00 01 newspaper

Dec 23 - 無意中搵到本 Lupin the 3rd 漫畫, 真係正斗, 冇睇o甘多年仍然o甘正, 峰不二子啊！

Dec 21 - 什麼 midnight sale, 排隊搵 parking 冇o左成粒鐘, 入到 scar town, 迫人都迫死, 又冇特別 jet so, 搵笨！
mmm... 我當然寫o甘多o野, 點會話自己笨呢... 見 no GST no PST, 去執多頂帽戴啦, 嘩, 個女 sales 鬼死o甘Ａ, 重著埋露Ｂ, 轉身收＄時發現係仲超ＣＣ, 入面仲唔ＤＤ添！係o甘捉住來傾, 人又 nice, hehe :>

Dec 19 (pm) - 到今天要開多兩句特別嗚謝, 一位還記得我的英國靚女, 一位竹昇妹妹, 仲有我家的肥妹 christmas card, 謝 :>
還有肥妹的小飾物, 我一直有 keep 住做平安符, 全放在車內倒後鏡的背面, 到今日我還是 one piece 呢, 哈哈... 今次的小俠狗直係正, 俾妳五個叻, hoho :>

Dec 19 - 續, 在賽道最後一彎道, EG-6 與 EF-8 相撞了, 又要等下一期...
但奸角那句 "神是戰勝不了惡魔的, 何況是人" mmm... 正斗...

Dec 18 - 有睇我呢份炒車神日報 (其實月報...) 都知道有本漫畫叫 Over Rev , 今集第十八期終於出到 CRX 啦！大家記得買來看啊！
簡述一下今次內容, 全日本 Civic 仔 1vs 1 大決戰, 高手雲集...
第一場係 EG-6 vs EK-9, 一場宿敵之戰, 一部舊款 Civic 有乜秘密武器對付實力強橫的 Civic Type-R 呢...
第二場 CRX 出場了, EF-8 vs EK-9, 由一個性格古怪又自言自語的傢伙開著 CRX 點可以對付 type-r 啊?? 一開始簡介如下 "CRX (EF-8) 1987年由本田生產的第四代思域系列中的 2門房車, 而作為 CRX, 它是第2部型號, 通稱為 Cyber CRX. "
"------ 可是, (可是?! 有什麼好可是?!?!?!) 跟近年出產的 EK-9 相比, 除了車身輕之外, 它沒有任何優點可言！"
看著這熟悉的方型頭燈, 扁扁車身, 玻璃車尾, 還有一列過的尾燈, mmm... 帶頭甩尾領先, 認真有型到爆！
這奸角暗想 "我的 EF-8 不是最新型的跑車! 在最高力量方面跟 EG-6, EK-9 明顯相差一大截. 對手和觀眾都不認為 EF-8 會蠃. 正因如此, EF-8 才會蠃!! 等大家察覺到的時候, 一切已經結束了...... " (嘩！型到震啊！)
寫到累了, 有空再下回分解...

Dec 1 - MJ 果然係天王, 一隻 speechless 已經殺晒, 正！

Nov 28 - 皮蛋瘦肉粥好味！點解o甘專一, 唔食牛肉粥, 艇仔粥, 只係食皮蛋瘦呢？
小時與老爸上茶樓時, 只會聽到皮蛋瘦和鹹魚花生粥 available, 便以為街外的粥只有這兩種, 鹹魚好像很臭, 花生又會攝牙喇... 所以, hoho :>

Oct 31 - 玩o左部新 Civic 一個星期, 寫番份試車報告先:
車身幾硬淨, 隔音同引擎都好靜, 飛到百五六都唔覺. 後座平地台關係, 車身高, 過 bump 唔駛再理, 即時轉做巴黎達卡拉力賽模式, 硬啃 bump 跳車去也. 後座可以坐人. 自動波, 可以多出一隻手一隻腳, 用途係對旁邊多手多腳.
輪到缺點啦, 車身高, 掟彎覺得好危險. 雞o太, 仲要係 firestone, 完全唔惦. Power steeling, 泊車慳少少力, 但冇o左份同路面接觸感覺. 車尾燈垓突. 慳油又唔覺, 可能係o下o下大腳油關係, 暫時不能作準. 自動波的確遲鈍, 地板油加 D3 都要等一陣至有料到, 先天缺陷就算啦.
總結: 新 Civic 係部好車, for someone use it be 交通工具, 從 A 點到 B 點, 再到 G 點, 有機會要試試將來部新 Civic Hatchback 先

Oct 27 - 本來偷懶唔番工兩粒鐘, 高高興興出席朋友的婚禮, 怎料因一名礦工被殺, 連新娘也慘遭毒手, 一班華山兄弟氣憤難平, 只恨當初沒練好武功, 報不了仇... (華山劍 level 26, 好水皮了) 買一大堆煙花用不著了, 下次啦 :>

Oct 21 - 搵到隻羅家英我向你求婚, 笑死我啦... :>

Oct 13 - 呢排日日落雨, 寫番件 "雨中的回憶" 啦 :
於中學某年夏天, 一個暴雨的下午, 放課後回家途中, 剛出ＸＸ火車站, 雨勢實在太大 (香港的暴雨實在離譜, 冇遮一定慘過淋龜, 同著衫游水無分別, 唔似住 Toronto o甘耐落雨都未試過擔遮), 一面傍徨的小男生, 因忘帶雨傘而焦急, 只能遠望自己的屋村, 盼望那污雲早點散去...
突然, 一把出谷黃鶯的聲音於耳邊響起, "ＸＹＺ, (xyz 者, 小朋友, 小弟弟, 小 Dee Dee, 靚仔, 哥哥仔, 陷加ｘ, 隨便揀個你喜歡啦) 你知道Ｘ學樓在哪裏嗎？" 回頭一看, 一位像二十歲 OL 打扮 (好似係白色套裙), Ｘ學樓？就在我家旁邊呀！指手劃腳一番指出怎樣走去... 美女OL對我說送我一程, 就這樣大雨中漫步, 我也不夠膽望多兩眼... 後事如何？下回分解...

Oct 11 - 又到 Halloween 月份, 一見 Cadbury Daily Milk 朱古力細細粒又一大包, 忍唔住執o左十包, 始終係牛奶朱古力最正, 下次執多一百粒先... :>

Oct 4 - Ｍ到, 講o左o甘耐終於都Ｍ到, 裝o左 Pioneer GM-X 354 amp 落車, 今晚用來 'fund' Beyond 的確好正, 長城的鼓聲, 情人的清結他, 海闊天空的鋼琴, 當然炸機最好用我是憤怒啦... 再試埋 DJ Tommy o的粗口有冇勁到, 仲有王菲暗湧, 學友藍雨, enya, mj, cranberries......

Sept 25 - 一星期俾差佬追兩次, 軍裝便衣一齊包抄添... 唉, 呢排日日見幾單警車追人... o甘鬼勤力呀... :< 攪到我全天候留意有冇古怪, 警車石Ｑ的士連車頂有個架都要小心先...

Sept 18 - 補番個 wallpaper 同埋訪客人數, oh, 個 homepage 有四年時間, 有七千訪客, 算係o甘啦 (不過有六千五係自己整, set o左做 IE homepage mah...)

Sept 16 - 仲記唔記得本漫畫 "Over Rev" ? 今期第十七期講番上集 MR2 vs CRX 之後, 論到 MR2 vs Skyline R32 GT-t, 個結尾仲有o的感動添...
跟住講視本田如命的愛華小姐, 找到一部無天窗舊款三門 EG-6 Civic 參戰全日本最快 Civic 仔大賽,究竟點樣同o甘多部性能一流的 EK-9 Civic Type-R 鬥呢？要下集至有分解, 但書尾有段講愛華小姐, 發現有部 EF-8 CRX 於 time attack 時特別慢, 點解? 做乜呢? 純黑 CRX 會點呢? (註: 日本板 CRX 於後期出埋 vtec engine, B16A, 正呀！) 詳情可參考小弟本來的 homepage (但冇得 update loh) @ http://members.nbci.com/_XMCM/crxmugen/index.html

Sept 5 - 最唔想o既事發生o左, 自己 lock o左自己部車, 一時間又要找鐵線, 鐵尺, 乜都出齊都開唔到, o甘o岩仲有警車行過添...
最後都 ok, 原來部車門邊冇'的'都一樣o甘易爆, 都好, 以後冇工做都仲有項'生活技能'呀...

Sept 3 - 唔好意思o甘多位, 因為 nbci 個 server 瓜o左個幾月, 一直 update 唔到, 仲未找到個又 free 又好的 web host, 暫時放呢一扳 news 於 geocities, 做聯絡之用, 有機會執過晒o的 hyperlink 再講俾大家知道...

Aug 4 - 今晚上 401 遇見一部新款 Accord, 見響我後面著住藍燈來勢洶洶都知唔o野少, 頂住佢到上 404, 一有位就踩盡油, 三波一過五千轉就真係好快, 部 Accord 車身太重又大部啦, 要到尾至追得上, 今晚唔同你玩o羅, 要番o黎繼續採礦, 有機會的話上來倚天1 USA 西夏礦場搵我啦...

Aug 3 - 呢排中完 GT3 毒, 跟住又中金庸毒, 日日夜夜不停採礦, 打鐵, 務求做一個最勁打鐵佬, 倚天劍屠龍刀, 一定做得出來呀！

July 25 - 收到Ｌ小姐的婚禮 vcd, 好多好耐冇見影象浮番晒出來, 新娘子當天實在漂亮, 甜到漏個樣真係知道好幸福, 還記得某日與新郎哥於尖咀打波動拳, 這位哥仔實在攪笑, 新娘實唔會悶啦... 仲有做伴娘的Ｊ小姐, 那把嬌滴滴聲線, 未影到已經聽得出, 還有片尾的熊貓先生, 仲係o甘鬼怕醜, 所有所有都好懷念, 他朝一日有緣再見...
可惜沒有親身見證, 更沒有賀禮, 在此送一段你會明白的數字吧... :>
5 ... 1... 1... 1...... 5 ... 2 ... 7 ... 1...... 5 ... 1... 3... 5... 3... 1... 6 ...... 2 ......... 7 ......... 1....................... 1. 1. 1. 1... 1. 1. (唔識整 midi, 學識再補番啦)

July 22 - 一部久違o左的舊片, internet blockbuster hmv futureshop 都搵唔到 dvd vcd vhs, 今晚有緣電視上睇番, Midnight Run, 兩個男人鬥智鬥力, 正片！

July 20 - 放工行 highway 401 時遇見兩部 CRX o向度鬥緊車, o甘過癮就陪o下你o地啦... 一部紅底黑間, 仲有好閃藍色車頭燈, 另一部係純白大改, 仲好四正, 三部車係o甘 "慢慢行", 再上埋 404, 本來我要出 Finch 番屋企, 陪埋你o地飛埋上 highway 7 先啦... 上到 7 大把車, 部白X 仲成隻老鼠o甘捐來捐去, 下次再玩啦兄弟... :>

July 19 - 部車又俾人爆, 好在冇乜好偷, 最驚係冇用都偷, 到時買番又要＄啦... 仲有偷還偷, 唔好整爛部車呀! 最後點算損失, 冇o左個火機同幾粒 Clorets lah... PK

July 17 - 忍唔到手, 為o左 GT3 走去買 PS2, 真陰公, 但係又好鬼正...

July 10 - 油價跌到 58.9 啦, 好耐冇見過五字頭, 有o的感動添...

June 14 - 無聊到重打 Desperadis 一次, 又幾好玩, 打打o下有人來, 想賣朱古力乎？唔要啦, 換完副 engine 仲邊有錢剩, 要一餐當三餐食, 咦, 又唔係細路賣朱古力, 係正斗竹升妹o咼, 仲紅色吊帶小背心再加黑巴, (唔係專登望, 係件背心太細o麻), 原來係乜 energy 做調查, 我一路查一路口水 'tur tur dai', 查完仲要借 washroom 一用添, o甘我當然要關好度門啦, 慎防有賊o麻, 然後坐在 sofa 到諗, 究竟點好呢？一陣佢會唔會對我有不軌企圖呢？定一行出來已經坦蕩蕩呢？會唔會冇晒廁紙要我幫手呢？後事如何?? 因內容過激, 寫出來會俾 xoom cut 我 account, 有緣再續...

June 10 - 睇完烈火戰車, 再睇埋天若有情, 戲情片都係劉德華最好睇, 得閒再搵埋獄中龍呀, 法中情呢o的舊片就最o岩我呢種古董啦 :>

June 2 - 恭喜恭喜, 我所認識的美女Ｌ小姐今日結婚o各, 祝您倆幸福啦, 雖然知道你唔會睇到呢個 homepage, 還是衷心祝福你... :>

May 18 - 做o左地下組織成員, 不停 upload 同 download, 成個 harddisk 都係 game 都唔得閒玩添... 隻 Desperados 真係好正!!

May 8 - 油價標到 81.5 添, 慘, 今個夏天仲有排捱...

May 6 - 大家快o的去買本漫畫叫 "Over-Rev 極速傳說" 啦, 第 16 期講到車隊第二高手用 CRX 大戰 MR2, 正啊！！！

May 2 - 救命啊！小背心短褲女子軍團日夜出動, 令到我集中力下降 20, 精神力下降 30, 仲有做乜o的高中女生校服裙o甘短, 限m仲要扣到落肚臍, 真係要迫o下巴士, 教訓一o下至得...

Apr 24 - tune up 完, 正斗, 火嘴 engine oil 風隔 cat乜Ｑ都換, 仲落埋 Potenza RE-910, 可以放心踩油o各 :> 仲有, 阿邊個生日快樂呀！

Apr 14 - 日日夜夜開車都係 "shall we dance", 歌詞又正, 其實次次一有新 CD 就狂煲, 煲都暈至停 :>

Apr 8 - 到夏天啦, 昨晚仲係得四五度, 今日熱到二十四五度, 今年第一次開車冷氣咯... 準備換番條夏天o太, 再 tune up o下, 開埋天窗, 正！

Apr 6 - 每朝早開車前都o拍一粒 Cloret, 應該可以做我最愛零食... 好似由小學開始食, 一路日日係o甘食... :> 當然唔係因為口臭啦, 係每朝早想有粒薄荷糖清清喉嚨, 開聲好有用呀...

Mar 21 - 好垓突, 變o左做綠色鼻涕製造工場, 有深綠, 有淺綠, 有大條有細條, 有彈性, 儲埋一齊可以俾 playdoh 做玩具...哈... 呀, 仲有賣老番可以發達o架, 嘻嘻... 特別要多謝 Thomas o甘耐以來技術協助！

Mar 18 - 砌開 BB 渣古, BB 高達, 要找番封塵好耐的模型油, cutter, 筆, 至發現仲有幾部車仔仲未砌完, 部 911 GT1 同 F50 都未開, 要攪掂至得!! 睇番部舊車 Castrol Celica and Tom's Supra, 原來我以前技術都唔錯o咼！ :>

Mar 7 - Lesile and Bayview 中間段 Finch Road, 俾我見到有龜縮埋個 Plaza 捉 Speeding, 我都即刻閃晒燈叫對面車收油啦, 都係俾人捉, 抵死！本來我個 Toronto Extreme Racer 個 page 就係想 mark 低邊度多差佬, 要注意o的乜, 邊度係飛車集中地, 都係o個句, 得閒先啦...

Mar 2 - 看完 Option Fans vol. 35, 真係覺得唔去日本車展會對唔住自己, o華！好多勁o野呀！

Mar 1 - 頭條新聞個超人真係好鬼好笑, 係到肉又抵死o個種... 唔好 miss oh...

Feb 27 - 找到點解成日出中文亂碼個源頭啦, 現在應該點 de-code, 用乜 browser 都冇問題, Microsuck 成日自動加o野落我o的 html, 執都有排執, 得閒再大執同改一下啦...

Feb 26 - o岩o岩看完本畢華流的 [主席手記], 可能就是他那模式影響我寫這一板吧... :>

Feb 25 - 大風完大雪, 大雪完又大雨, 跟住成地結晒冰添, (攪到我 PK), highway 又多水 (dump), 頭又 wing wing o地, 好在冇事... :> 仲有, 柏直老生快樂...

Feb 8 - 成呎雪厚, 都出唔到車, o甘就唔好出街留番屋企啦, 整o左過 snowman, 見錢開眼 snowman 呀！

Jan 30 - 又賣多兩隻碟, 真係肥死... 一隻去到 $15 CAD, 香港老番都係 $15-20 HKD o乍o麻, 大陸仲 cheap, $5-10 RMB 都攪掂, 簡直係謀取暴利, 自己都唔多好意思添... :>

Jan 25 - 近排多個壞習慣, 去入油都執多排 Crunch 朱古力, 攪到買新牛仔褲要大一吋添... 呀, 仲有新年當然要恭喜發財啦！

Jan 6 - 漏o左新年願望添, 今年開車唔好o甘燥就得啦... lucky, 有個客仔兩張新銀紙疊埋當一張, 多成Ｘ蚊 woh, 幾好, 耐唔耐都有o的荀o野... :>

Jan 5 - 又一年, 又係時候開多一板 news, 希望做到老呢個網都仲 update lah, hahaha... :>

Carx's Newspaper !!!