Tanta copia rerum ad linguam litterasque Latinas pertinentium in interrete invenitur, ut paucas solum paginas indicesque nexuum interretialium visu et lectu dignos elegerimus.

Unaquaeque pagina capiti cuidam attributa est, ut facilius reperiri possit. In quaerendo quidem considerandum est plurimarum paginarum argumenta non modo ad unum caput pertinere. Paginarum autem inscriptiones vel loci, quas discipulis minoribus gymnasii vel scholarum secundariarum quae dicuntur aptas esse iudicavimus, litteris obliquis indicantur.

Declaratio

Cum omnia, quae in interrete inveniuntur, iterum iterumque permutentur, nostri autem non sit aliis in conscribendis conficiendisque paginis consulere vel paginas eorum iam confectas permutare, secundum responsum tribunalis (i.e. Germanice "Landgericht" ) Hammaburgensis d.12 m.Maii a.1998 datum declaramus: primum nos cum iis, quae in paginis cum nostra coniunctis offerantur, neque consentire neque ea pro nostris habere; deinde, si quis res suis ipsius iuribus protectas in paginis conexis invenerit, ea iura non a nobis, sed ab illarum paginarum auctoribus sibi vindicet, nos autem singula iura cognoscere non posse; tertio nos unamquamque paginam, antequam eam paginae nostrae vel indici nostro adiecerimus, inspexisse et nullas res legibus vel iuri repugnantes invenisse.

instrumenta quaestionis

ad tabulam materiae