|
3rd,September,04 Fri
今天終於正式上課了 心情沒有什麼大起伏，似乎現在也不應再有起伏 不過其實也蠻開心．．．
放學留下了做ＤＢＱ 本想盡快完成，不要再拖∼ 不過Miss Lam在我身邊，我就情不自禁對她說很多話 結果我們就談...談...談....４點傾到６點 我都唔知點解可以咁多野傾 可能我在Ｍs Lam 身上找到Ｍs Tam 的影子吧 一樣是公私分明，是我最為欣賞的！ 自從阿甄走左，已經冇人同我傾計傾到咁到肉 同Ｍs Lam 傾計好舒服，大概是她真的明白我點諗 她又分享好多自己的經歷、憂慮、抱負....... 當然還有好多小秘密~~!! 我倆都喜歡師生的關係，不太認同師生成為朋友 於我而言，起碼大家立場清晰，免去了不必要的猜度 哈哈．．．如Ｍs Lam 言，我真係幾保守架∼ 我地傾到咁多野，大概是我們都喜歡言之有物吧！ Ms Lam 俾左好多肯定我 除了對我潛質的肯定外，亦解決了我心中的疑惑： 『為何與同學不是相處得太好？！』 她言語間給了我答案，亦是對我成長、思想的肯定 真係好開心，傾得多到都唔係好記得 知道Ｍs Lam 好辛苦，亦好擔心 無奈我都做唔到ｄ咩幫她，只有做好自己 有責任心是好事，但將所有責任也放在自己身上 未免對自己不太公平，終歸入戰場的還是學生自己 Ms Lam常覺得對學生有虧欠 對７Ａ而言，Ms Lam 最大的虧欠只是不好好養聲 而在教學上已是再沒有瑕疵 Ms Lam：「相信自己，堅持下去」是你教我的！ 希望Ms Lam 在這偷回來的兩小時，呼吸到一點輕鬆的空氣∼！
其實腦裡還有很多東西想表達．．． 但真係唔識講，唯有記於心，成為推動力∼
P.S. 堅持！要不是就好容易跌返去舊我
|
|
2nd, September.04 Thur
今日影學生相 唉....睇怕都係好似上年果張咁，唔會有人影得靚
哈哈.....染黑左個頭，束埋個髻 果然過到骨．．．！！ｙｅａｈ∼∼
我發覺得我嘅生理時鐘好亂 暑假時日日都兩三點睡，早上十點十一點先起身 而家都係夜訓，但就要６：１５ａｍ起身 真係頂唔住，好睏．．．冇集中力∼∼ 於是今日回家由點幾睡到六點 唉．．．好浪費時間．．．但又真係支撐唔到喎∼！
跟住落去樓下游水 嘩．．．原本晚上的水底靚超多 好浪漫哦∼！！！ 靠在池邊，傻傻地想：「第日要唔要個女學識游水呢？」 我真係唔想自己個女好似ｄ阿婆咁撐下撐下 但我又唔想個女身型變都肥肥腫腫 畢竟識游水是很孤寂的，只有操水時先會開心
今日SirSir生日，但他的容顏卻很憔悴，很累吧∼ 有時望住SirSir，個心就好似有ｄ於心有愧嘅感覺 其實咁多親人，我反而最怕他會離開 在家裡對得最多就係佢 佢因為我同媽咪，令自己安穩的生活也變得辛苦 但我就真係唔識點樣可以對佢好（我對佢一點都唔衰架） 點都係有層隔膜．．． 祝他身體健康．．． 
|
|
1st, September.04 Wed
6:15am起床，估唔到自己唔懶床，好野∼！！ 屯門站、５０７好多人 睇怕以後都冇SirSir 車我返學呢支歌唱了~~~唉~~ 加油.....!!! 我要向我"０缺席"的目標進發！
今日個個都對我的頭髮好好奇...... 不過我地對ｄ中六仲好奇 有好奇心係人之常情，真係唔好扮冇興趣 小息同ｄ同學仔諗住扮下經過 點知ｄ人通通唔見晒∼∼ 事實上都冇咩好見，因為真係冇野好睇 冇靚仔！冇靚女！ 得個寸寸地嘅女仔成為我地數分鐘的話題 哈∼來日方長∼．．．．
噢.....Miss Choi 話我地知佢媽媽 11/8 過左身 見到佢眼濕濕，我都有點兒難過 突然好驚呢件事發生在我身上 再諗起媽咪呢幾日話我唔幫佢分擔下ｄ家務 我仲要話佢白痴、痴線．．．自己真係不孝
中七了，回想自己中一時，還嚷著跟中七的社長說笑 此刻真想說句：『我不想長大！』 我最辛酸的日子沒有人知道，沒有人了解 張小嫻說過： 「人是無法在快樂中成長的，快樂使人膚淺。我們在痛苦中成長、蛻變，然後才會更了解人生。」 大家現在見到的只是一個彷似成熟的我 但我還是喜歡自己發小姐脾氣、撒嬌的時候 可惜路走了已不可回頭 唯有繼續鑽研爸爸的必殺技－－談笑用兵－－吧！
現在的我可以叫目標明確 這麼多年似乎也未試過 ｔａｋｅ ｙｏｕｒ ｍａｒｋ∼ｓｅｔ∼ｇｏ∼！
染黑了頭髮，希望過到關啦！！
|
|
31th,August.04 Tue
今天是最後一天的暑假，但卻在家睡了一整天 睡覺是因為逃避，唔想接受現實
晚上還是去了屯門跳舞 跳ｊａｚｚ，很開心 喜歡做基訓，見住自己一次比一次有耐力 好有成功感．．．！ 舞步又係一ｄ我俾心機就ｈａｎｄｌｅ到嘅ｓｔｅｐ 舒服好多好多．．．．．
明天上學了∼會係咩光景呢？ 希望今年的任何挑戰 都係我俾心機就可以ｈａｎｄｌｅ到啦！！
|
|
30th,August.04 Mon
今天一早就好唔開心了...... 因為《流星花園》隨著暑期的結束，今天是大結局了 我從前都沒有想過自己會為這些劇集著迷 以前此劇流行時我不屑一看．．． 估唔到自己而家卻為道明寺著迷，但我又唔想看第二輯 因為老實講，佢地ｄ波折有時真係令到我好唔耐煩 大團圓結局，好感觸呀∼∼鳴鳴....... 各位好朋友，我都知你地好擔心我 因為的呢期迷上了言承旭 而家你地可以放心了，開學我就會唔記得他的了．．． 因為我喜歡的只是"道明寺"這角色 哈哈.......有時白痴下都係一件賞心樂事......
下午做了一會兒家課，又拾下中史的測驗卷 看到了大考的卷上，Ｍrs Lam 寫一句： 『既無心向學，何不另作他選？』 我想她改我的卷時應該是巴不得把卷撕碎 我頓時很害怕，很沒有信心 我不相信自己可以做得好，我不敢承擔 我很怕自己失敗，令人家失望 所以一直都同自己講，凡是老師對我說的讚賞與鼓勵 都是騙人的，她們對個個學生都係咁講 今天我想繼續這樣想，不過．．． 第一句說話從我腦海飛出來的是： 『不要再想無謂的，只顧做好眼前的』
晚上看了無線伏明霞的專輯 我真的覺得她很美麗！尤其是悉尼奧運的時候 她的美麗，不是李家欣那些，我講唔出......是有氣質的美麗 她的意志、堅毅真的令人很佩服! 她的教練說得對，被萬千寵愛只是障礙 自小對中國運動員嚴格，就能訓練出她們的心理質素 而伏明霞說了兩點我是十分認同的 1. 另一半的知識是相當重要的，因為他會知道怎樣才可好好管 理一個家，怎樣教女兒 2. 無論你曾經有多輝煌，最後還是要一個好歸宿 看了她的特輯令我很感觸....很迷茫...... Wt is da utmost important to my life?? Wt i need to do in this age is to prepare myself..... 只有準備得更好，才可做得更好，找得更好！
我想做一個有學養的人．．． i s i t i m p o s i b l e ? ? ?
|
|
29th,August.04 Sun
今天成家人來了我家參觀，晚上１０下１０下 但可惜我１０唔到 因為今天與iki 及哥哥替康哥哥預祝生日 我們去了旺角的大熊本吃芝士火鍋 都幾好食.....幾他野都平平地、細細碟，很化算！ 之後我地去了影貼紙相，影左好多 好好玩．．．影得好攪笑、好靚．．．！！ 一定會放在Ｇallery！！
不過唔好話唔邪，今日係七月十四 我地影一部機，那部機可以影幾張個人的小相 相print 出來時，其中一張小相是一個金髮的女仔 我們都相信是部機留了之前的影像，攪錯左．．． 真係唔好亂諗其他野，那張相當然留返在那兒啦∼！
唉∼∼仲有２天就返學喇．．． 嗚嗚.......唯有望快點考完Ａ-Ｌevel 啦∼！！
|
|
28th,August.04 Sat
今天下午整好了Gallery 的 "kayee" & " boyfriend" 哈哈....我覺得好靚架個effect∼∼
６：００pm 去了梁球鋸睇聯學Sing Con 水準都好高，我都估唔到...... 許榮傑俾林一峰及黃雙駿盛讚 但可惜決賽失了小小手...... 冠軍無疑係冠軍，但係卻一ｄ驚喜都無 只可以唱死一類歌，就好似彭羚唱唔到何韻詩嘅feel 亞軍，真係唔知點解會拎亞軍.....damn 季軍係一名靚仔，不過係ｄ似靚行凶的花 "0靚" 仔 但我覺得佢就唱得好好，如果個feel 成熟d 就真係霖死 不過佢已經霖到好多妹妹 因為佢以９０幾票奪埋 "最喜愛歌手" 除左參賽者外，仲林一峰及關心妍 林一峰好nice，一個好和藹的歌手，好好．．． 關心妍唱得好過我平時在電視睇到的，好好聽哦∼∼
今日又唔知做過ｄ咩咁....... 突登落一落屯門攪到夜嗎嗎......
|
|
27th,August.04 Fri
今天一整天好像也是偷回來似的 與男朋友出銅鑼灣行街 時間過得很快.... .本來他要回屯門做Gym，我也要去灣仔跳舞 但......哈哈......我倆最後也請了假 偷回來的假期令人有點忐忑不安，但卻令人莫名興奮 希望Ｊｏｅｙ不介意啦∼
買了生日禮物給康哥哥 我發覺原來男朋友是隻魔鬼，不斷慫恿我買野 結果．．．快要嘔血死∼！
又是很快樂的一天∼∼
|