我的運動

我好鍾意運動,成日都會落街打波或者留響學校打波打到好夜先走,星期六又要練波,

都係因為一個原因,我好鍾意運動......

我由細細個已經好鍾意運動,2,3歲果陣見到個波已經會"依呀鬼叫",好興奮.我讀果間

小學有足球場,籃球場,泳池,但係咁多樣野入面,我最鍾意就係足球.我第一次踢波

係小學一年級問左個同學借個波黎踢,踢下踢下就同一班同學走左入足球場度踢,不過

小息既時候,全校既學生都會走晒落去足球場度踢波,果陣細個唔識跟隊,結果個足球場

就有百幾個人踢緊十幾個波,勁無聊......

到左中學,有一個好大好靚既人造草足球場,但係因為成日都唔比人用,所以開始小踢左

波,慢慢開始玩排球.到左form2,打班際,比呀sir睇中左,佢叫我入排球隊,我梗係

唔放過機會即刻話好啦!!form3終於開始學界,我地響division1 C grade響到第4,都算

係咁啦,但係D高form唔爭氣,一隊第尾一隊尾3,結果我地就跌左落去division2喇,不過

都唔關我事,因為我響form3既淘汰試成為炮灰,比人踢左出黎.

去左第二間冇咁出名既學校,識到一班鍾意打籃球既朋友,於是就真正咁開始左我籃球

既生涯(講到好似好職業咁)-_-!.我開始會同佢地一齊落街場打波,球技開始

有進步.到左今時今日,我諗我真正既球齡都只係得3年半到姐,所以都依然係好渣,不過

我依家真係好鍾意打波,成日都會落街打波架!!

我已經有我既目標,係希望一,兩年之後去美國讀P.E.,返到黎香港做關於運動既工,逾

工作於娛樂,希望可以夢想成真啦......

P.S.依排好想入一隊籃球隊,可以再進步!!

唔想聽我講廢話,按呢度出番主頁啦!!