*~ Friends ~*
相識於香港...
由小學五年級到現在﹐我和虎榮相識快十年了﹗虎榮的學號永遠都是1﹐Oral考試永遠都是她考先﹐
我一直都好慶幸自己不是和她同姓﹐這種壓力不是每個人都能承受得起。
虎榮這名字﹐當然是由芝see姑bi度出黎架啦﹐當時虎榮係虎榮及小虎妹的忠實擁蹬﹐拒扮D聲都好似架。
比我感覺虎榮永遠都好in﹐好yeah﹗近排興D咩﹖有咩好8﹐問拒就知﹐尤其是我離開香港之後﹐拒係我其中一條天線﹐
話比我聽香港發生咩事﹐有一排同拒朝夕相對﹐有咩問題拒係唯一一個係附近﹐隨時係度同我傾計既朋友﹐
唔係話其他朋友離我而去﹐只不過拒地返學時間同我上網時間唔夾。唔好以為虎榮淨係識得一日上網上到黑呀﹐
其實拒都有返學架﹐只不過拒揀我訓緊覺既時候黎返學咋﹗
虎榮成日都同Kaka一齊﹐兩個好似‘子子’公仔。拒兩個小學已經係好朋友﹐我同虎榮只係F4, 5先熟﹐相比起Kaka﹐點可以比﹖
而家虎榮正在努力考AL﹐加油呀﹗我精神上支持你﹗
ling
中三到中五同班同學﹐成日一齊食lunch﹐一齊做group projects﹐ling永遠都係我partner﹐
在班上一直被人笑我倆出雙入對。事實上我同ling性格上有好多野都好唔同﹐就係唔知點解做到好好朋友﹐咩都可以傾一餐﹐
亦時常為D小事爭論。臨離開香港個排曾經生疏過一段時間﹐不過走後沒有她在身邊﹐無得一齊食飯﹐講電話﹐生活就好似缺少左D野﹐
更加懷念以前一起走過的日子。ling讀書成績一向都好好﹐不過身體就麻麻﹐成日病﹐好在有個照顧周到既媽咪﹗
ling而家係CU讀緊Psychology﹐好少見拒上網﹐可能好忙掛﹗好後悔以前有陣時背住ling講拒壞話﹐犯了做朋友大忌﹗
CC﹐虔承天主教徒﹐模範生一名﹐咩都好叻﹐好似無一樣野係唔鐘意/好差既﹐AL拿全校最好成積﹐我有拒一半就好了﹗
CC情感豐富﹐腦裡充滿幻想﹐係一位感性既人﹐有好多一般人諗唔到既ideas﹐有時亦會諗D無人諗既野。
CC唱歌好好聽﹐係choir member﹐F3同F6都有份做學校個musical play既其中一個重要角色﹐鐘意演戲既CC﹐當然唔會令Mr. Oliver同SMCC失望啦﹗
好記得CC讚我對CS認真﹐從來無人讚過我對任何事認真﹐要知道我係個三分鐘熱度既人。
CC而家係CU又係讀Psychology﹐同ling係同系同學﹐讀Psy一直係CC既夢想﹐但係入CU後卻一直聽見她在喊苦﹐
希望遲D會好轉啦﹗
一個成日同我行街買野既人﹐一個成日妒忌我高﹐成日讚我運動好既人﹐其實Nip自己運動都唔錯架﹐見過拒同CC係PE跳舞拿100﹗
拒成日話自己好boylish﹐不過我從來唔覺﹐一個會著裙﹐會帶首飾﹐會留指甲既人又點會係boylish呢﹖
Nip係我最早一個連拒男朋友都認識既好朋友﹐考完會考0個排玩得好開心﹐六月生日既拒﹐難得有年考完試先至生日﹐
我就破例同拒去海洋公園玩機動遊戲﹐從來唔玩既我竟然陪拒玩左兩次﹐仲無嘔住返落黎添﹗haha﹗奇跡﹗
Nip既夢想係做一位英文老師﹐而家係HKU讀BA﹐享受緊大學宿舍忙碌既生活。
maine
F1就識拒﹐除左F2外四年都同班﹐好有錢﹐好in﹐好多朋友﹐亦好emotional﹐成日見拒喊。鐘意唱歌﹐亦好有運動天分﹐不過唔覺拒好interested in sports。
我覺得maine好聰明﹐唔洗點聽書都可以pass D tests﹐而坐係拒隔離既我就fail晒D tests。都唔知拒係咪晚晚係屋企靜雞雞溫書架﹗
好鐘意上堂傳紙仔﹐不過甚少傳比我架播﹗maine有咩唔開心都會同我講﹐雖然我未必可以諗到解決辦法﹐我亦好樂意同拒分擔D憂愁。
maine同我同一年黎美國讀high school﹐同我一樣repeat左一年﹐大家一齊入大學﹐當然以拒既資質緊係入到好學校啦﹐
點會好似我0甘stuck左係間cheap cheap學校度丫﹐而家係Boston一間好好既Business School讀書﹐成日都好多野做﹐好辛苦。
濤
係澳洲讀書既濤﹐由細玩到大都係我既好朋友﹐記得幼稚園曾經有兩年同校﹐後來由於搬屋﹐濤被逼轉校﹐當時都唔係點同拒講野﹐因為唔同班。
到後黎不知不覺間又熟落左﹐仲有阿琪﹐三個一齊游水﹐去camp﹐sleepover...濤後來愛上左三項鐵人﹐而我就走左去玩滑浪風帆﹐
我嘗試過跟拒去玩鐵人﹐點知剛開始跑就跪低左﹐被Daddy笑我係豆腐鐵人﹐而拒亦有同我去玩風帆﹐但係就真係辛苦到killing her啦﹗
我腦裡成日有個picture﹐大家原本都係同一條路(游水)開始﹐後來條路分左差﹐一邊係鐵人﹐另一邊係風帆﹐各有各發展。
濤好鐘意音樂﹐唱歌好好聽﹐彈琴亦好叻﹐五音不全既我﹐由細到大都好羨慕拒﹗
去外國讀書係both濤同我既夢想﹐好記得我走時拒幾羨慕我﹐後來拒亦爭取到家人支持﹐去澳洲讀書。
琪
一個同我同月同日生既女仔﹐細我兩年﹐由細到大都同拒一齊搞生日會﹐相信如果沒有她我亦唔會年年有禮物豐富既生日會﹐
睇拒移民去英國之後就知啦﹗每年生日會都出現既叔叔姨姨係拒走後隻字不提九月既annual聚會﹐好在拒走果時我已經過了無生日禮物會唔開心既stage。
琪又係好有音樂天分﹐Art仲好叻添﹗中學時期同拒一齊去灣仔游水﹐游完一齊食野﹐行街﹐我同拒品味差唔多﹐鐘意既野幾相似﹐
有陣時行到放工時間都唔捨得走﹐明知操完水塞巴士係一件難受既事﹐都一於好少理﹗
好記得同拒一齊去玩少年風帆oppie仔﹐玩到超齡我都要去﹐就係因為有拒陪﹐一齊搭車去西貢碼頭﹐再搭車入創興﹐
買埋同一款杯麵﹐同所有阿sir玩到癲﹗真係好回味以前同你一齊玩水既日子﹐要知道你走後再無人成日陪我玩水﹗幾時返黎再玩過﹖
Janice
幼稚園﹐小學﹐中學同學﹐好記得高班我地‘湊巧’買埋同一款皮鞋﹐你係唯一一個同我升上同一間中學既幼稚園同學﹐
可惜你讀下晝班﹐我就讀上晝班﹐但係都比我地答埋同一個校車司機﹐考試見過幾次面之後﹐就到中四先再傾計lu﹐
估唔到會同你再同班﹐仲係要中四中五最刻骨銘心既兩年﹗一齊去補習﹐放學一齊返屋企...Janice手字好靚﹐個人好整齊企理﹐好responsible﹐
把口好多笑料﹐每次同拒講野都笑死我﹗
Laurel阿哥
因Nip而與他相識﹐識左唔夠半年我同拒就各自離開HK﹐記得拒比我遲剛好一個禮拜走去澳洲﹐我去唔到送拒機。
會考後成日同埋Nip﹐Andy一齊出黎玩﹐一齊練oral﹐踩單車﹐互相鼓勵大家考好會考﹐話邊過最個分請唱K﹐
唔唱K既我﹐被逼去睇拒地唱﹐仲晒左我成$200添﹗