Things ENI  5

Daghan crushes nga usahay kuyawan ang crush magpanglingi tawon bisan abot tyanggi kay among sunudsunuron. Bitaw, kuyaw jud ming ma crush.

Everytime may unannounced exam magbahin dayon mi sa notes by page ug study even for 5mins. Then magshare dayon sa answer.

We call our group as J  -  JASmine A    S  E  -  Elenita A  -  Arlene R  -  Rosinie S  -  Suzy

Si Dante ba tong baling ngilngigang mu-forge sa pirma sa atong Property Custodian?  Daghang nangalipay adto niya kay dili na kapoy matig-inilugay ug papirma para makakuha ug final exam.

Wlay nadulaw pagkadaghang crush pero ang amo crush wala man na crush namo uy.

Naa toy ga-birthday adtong 4th year ta nga ang iyang cake, "brownies", unya"stick ni maryjane"  ang iyang birthday candle.

Unsa mang year ta adto nga ang mga laki, magdula pa ug sato sa kalubinhan atbang sa Chem lab? In-demand to si Nilo kay layo kaayo ang lagpot inig hapak niya sa palamagtiw kada kayas ug karatsibong.

Naa toy barkada nga gihimong misyon ang ilang classmate nga himbay. Pagkahuman ug klase sa hapon, ilang butaron tong himbay para inom ug Tanduay sa may tindahan sa Rizal park. Dangtan ug duha ka semana, tul-id na ug tindog ug pinulungan ag kanhing himbay. Adtong usa ka gabii nga naay event sa ENI, didto na lang natulog ag kanhing himbay sa balay sa iyang amigo. Pastilan kay sa pagtupad nilag katulog, ningbalik man ang iyang kahimbay. Nagsulat pa gani to siya ug love letter para sa iyang amigo. Wala na siya imbitaha ug inom sa iyang mga classmates kay kalas lang ang tagay para niya, hehehe...

"Don't forget to say 'My ball!'" ang pirming syagit ni Dra Villaflores, tag-iya sa T.I., sa iyang mga volleyball players. Wala pud papire ang atong mga girls, iningles pud sila ug hatag ug instructions sa atong mga players. Apan kay gasige pud lagi ug katawa sa ilang iningles, naingnan sila nga gabugalbugal mao nga gikasab-an sila ni Dra Villaflores. Hunghunganay na lang sila, "Mantay, ug kaedad pa ni siya nato, dili gyud ni siya pwedeng mangasaba nato nga naa ta sa atong teritoryo. Dakong gubot gyud". Sagdi na lang, ningdaug bitaw ta.

Kadtong men's volleyball kontra sa T.I. nga naabtan ug gabii nga walay suga atbang sa Chem lab. Kaluoy sa Diyos, ningdaug man nuon ang atong team..

Kinsa gani toy gatudlo natong mga laki unsaon pagdakop adtong mga langgam nga sayaw (swallow) nga kusog kaayong manglupad didto sa oval field? Maghimo ug lasso sa humok nga tumoy sa amorsiko unya magdakop ug langaw nga itusok sa sulod sa lasso. Ihigot ang punuan sa amorsiko sa barbeque stick nga itaop lang sa kasagbutan. Dalagan dayon ug naay madakpang sayaw kay basig matuok pud unya ang langgam.

JS Prom ta adto. Giaghat adtong atong instructor nga nakainom na ang usa ka girl nga musayaw sila ug Sweet. Hugyaw ug katawa tanan kay gulang na gud si instructor pero misayaw na lang pud tong girl bisag gikulbaan siya kay gitulod man siya sa iyang mga classmates. Pastilan, bisag Sweet ilang sayaw, "usa ka kilometro" pud ang ilang gilay-on.  Gikalit bitaw ug kumot ni instructor tong lubot sa girl, sa kakurat pud niya, nahalog niya ang instructor. Pwerteng katawa sa instructor! Didto nahuman ang ilang sayaw!

Barkada:    Araceli Aguilar    Heidi Mananquil    Ma. Dolores Mariot    Teresita Declines    Violeta Banogon

Sa gardening, ang style nilang Kapa ug Nilo, kaluton ang ilang gardening plot ug lalom sa usa ka piye, unya suyuron ug kuha ang mga tubers sa mga sagbot mao nga pagkahuman nila, tibuok tuig na silang dili magbunglay kay wala na man ang mga grass tubes nga maoy gigikanan sa mga sagbot. Swerte tong mga tupad nga plots nila kay limpyo pud ug apil ang side nila.

Ang mga baye pud, labi na adtong 1st year ta, gipangtiman-an sa mga laki kung kinsa na ang gasugod ug gamit ug bra.

Ang linakwan ni James nga gauntul-untol...

Kalataw-an tong mga lalaki during recitations kay mukalit lang ug piyaok ang ilang tingog kay namalatong.

Continuation sa Sato, naa toy mga panahon nga ang mga laki, sobrang mangusog sa pagligwat para malayo ang palamagtiw unya mabali man nuon ang palamingkol maong usa ka metro lang nuon ang maabot sa palamagtiw. ;-)

Adto HS ta gasugod ug imprenta ug mga Tagalog bold magazines.  Mailhan ang mga lalaki nga bold ang gibasa kay adto dayon magpundok ug pwesto sa banaba bench, ang lalaki sa tunga naay gibasang dakong notebook nga pangcover sa bold magazine.  Naa pa gyud toy mga x-rated pud nga mga stories.  Lisod sa mga abtik mubasa kay dili pwede ibalhin sa sunod nga page kung di pa mangahuman ug basa tong mga hinay. Naa pud toy maniaw ug kalit ug balhin sa sunod nga page, maong mangisog tong ubang gabasa pa kay madaot ilang concentration.

Pabidahanay ang mga lalaki sa ilang unang experience.  Naa pud toy uban nga malawgawan kay pabula ra ilang istorya.

Kadtong mga calamansi sa may gate.  Simplihan ug pamupo maong dili na paagian ni Junior.

Ang mga girls, sige ug adto sa black board para i-match ilang ngalan sa ngalan sa ilang crush using F.L.A.M.E.S.: F    -    Friends L    -    Lovers A    -    Admirers M   -    Married E    -    Engaged S    -    Sweethearts

Kadto pung makopa sa may kilid sa Administration Office.  Simplihan pud ug pamato labi na ug 12-1 kay tulog ang mga naa sa office.

Ang mga nangaputol nga sagbot sa pag lawn mower, pangsilihigon unya gabundo didto kilid sa oval.  Kay mura pud lagi ug kutson, maoy pagapraktisan sa mga lalaki ug somersault.  Karatil ug dalagan gikan sa layo paingon sa gabundong mga sagbot, layat una makaabot, sirko sa hangin dayon landing didto sa sagbot.  Daghang nangabanggiitan adto pero wala man guy gymnastics competition nga gihimo involving somersaults didto sa ato.

Kadtong Cultural Bldg nato nga may mga foldable partitionings para mahimong classrooms.  Ato tong mga classrooms sa 1st and 2nd years.  Sa Cultural Bldg sigeng pagahimuon ang mga programs sa gabii, J-S Proms, 1st Year and 2nd Year Affairs,  mga manag-uyab nga mag-date sa hapon. Sa kilid pud sa stage ang CAT Armory - paborito pung dad-anan ug uyab.

Kadtong canal sa may atubangan sa Cultural Bldg.  Mapuno ug tubig kung kusog ang ulan mao nga luoy ang mga girls kay dili sila kalayat maong mulibot pa sila didto sa may Admin Bldg o didto sa may kilid sa alad.

Kadtong ubang lalaki, galantaw na sa layo ug naa bay maagiang tae, akbayan dayon ilang classmate unya hadlaon ug istorya pero siguruon diay nga matumban sa ilang classmate ang maagiang tae.

Sa canal pa gihapon. Naa toy mga baye nga isog mulayat sa tubig para dili na mulibot. Dunganan sila ug layat sa mga laki, pero sa paglayat nila, pasimple ang mga laki ug lantaw sa ubos para makita sa reflection sa tubig ang panty sa mga baye, hehehe.

Pagkahuman ug snacks sa hapon, magkasabot ug lantaw ug betamaXXX. Unya kay wala nay kwarta, pamukoy dayon ug nawong unya hulam ug kwarta sa mga baye para pang-abang.

Balik sa HOMEPAGE