Capítulo 1: Tipos de datos

Perl utiliza diferentes tipos de variables para almacenar os datos; cada variable ten un nome (polo que se referencia) e un valor. A diferencia doutras linguaxes de programación, este tipo de dato que conteñen non determina o tipo de variable, senón que este ven dado polo número de valores (individuais, matrices ou táboas de asociacións). A xestión de variables en Perl é, logo, inversa á da linguaxe C, onde os tipos van diferenciados en función dos valores que conteñen (caracteres, números enteiros, reais, etc). Outra diferencia salientable con respecto a C é que en Perl non é obrigatoria a declaración destas variables; basta con utilizalas para crear unha que, por defecto, será global, isto é, visible por tódalas funcións do programa. Para que unha variable concreta sexa tratada como local ó bloque ou función no que se inclúe, hai que declarala coa instrucción my.

sub lista {
my $animal;

$animal = "gato";
return $animal;
}

No exemplo, declaramos a variable $animal mediante a instrucción my; deste xeito, a asignación do valor gato non repercutirá nunca sobre o valor doutra hipotética variable $animal que poida existir noutra función.

Variables escalares

Almacenan valores únicos que poden ser números (enteiros e reais) ou cadeas de texto. O nome da variable vai sempre precedido do prefixo $.

$pax = 300;
$titulo = "Manual de Perl 5";
$PI = 3.141599;

Como se pode apreciar nos exemplos, as expresións en Perl rematan sempre en punto e coma. Non hai ningunha palabra reservada para inicializar ou declarar variables (a non ser as locais), e se conteñen unha cadea, esta vai entre comiñas dobres (") ou simples ('). A diferencia está en que as comiñas dobres permiten a sustitución das variables e secuencias de escape incluídas dentro polos seus valores.

print "1. O título é: $titulo e ten $pax páxinas.\n";
print '2. O título é: $titulo e ten $pax páxinas.\n';
1. O título é Manual de Perl 5 e ten 300 páxinas.
2. O título é: $titulo e ten $pax páxinas.

[ Índice de contidos | Introducción | Inicio do capítulo | Seguinte páxina ]