Back
				~   تعال , غالي الوقت فات   ~
			-1- تعال , غالي الوقت فات ! بسخافات , و أتفه من سخافات . بشوقٍ إنقتل , و حبٍ بالمهد مات . بالصبر , بالعجز .. بالأمنيات ! وش لنا بالذكريات ! - خلنا بالجايات - و تعال , غالي الوقت فات ! -2- تعال , كثير الوقت مير لحظات ! تنتهي و تروح مثل ما جات , ما تخلف وراها غير ندم ؛ يستهلك باقي الساعات . وش لنا بالذكريات ! - خلنا بالجايات - و تعال , غالي الوقت فات ! -3- تعال يا غبا الإنتظار ! لا تفكر و تحتار ! خيار واضح بين جنتي و النار , و فرصه يتيمه ... ما لها تكرار . تتردد تضيع , و الي ضاعوا كثار ! وش لنا بالذكريات ! - خلنا بالجايات - و تعال , غالي الوقت فات ! -4- تعال قل لبيت ! ما عاد تكفيني منك يا ليت , و أحبك و أشتاق و حسيت , من ذا الحكي مليت مليت ! ! سمعت منه كثير و منه أكتفيت . وش لنا بالذكريات ! - خلنا بالجايات - و تعال , غالي الوقت فات ! -5- تعال ما بعد هالروح روح ! لو فيه غيرها مالي حق انوح , لما تجي و أقول لك روح . لو بعد هالروح روح ؛ كان نتناقش عمر ... عن تفاصيل سر مفضوح . و نسهر ندور ... حل لهالجروح . و بعدها نقضي عمر ثاني ؛ بالحب و الغيره نفسر معاني . نتكلم عن حبك الأول و حبي الثاني . وش لنا بالذكريات ! - خلنا بالجايات - و تعال , غالي الوقت فات !