I

Alma Redemptóris Mater, quæ pérvia cæli

porta manes, et stella maris, sucúrre cádenti,

súrgere qui curat, pópulo tuo quæ genuísti,

natúra miránte, tuum sanctum Genitórem,

Virgo prius ac postérius, Gabriélis ab ore sumens illud

Ave, peccatórum miserére.

II

Ave, Regina cælórum,

ave, Dómina angelórum,

salve, radix, salve, porta,

ex qua mundo lux et orta.

Gaude, Virgo gloriósa,

super omnes speciósa;

vale, o valde decóra,

Et pro nobis Christum exóra.

III

Sub tuum præsídium confúgimus,

sancta Dei Génetrix;

nostras deprecatiónes ne despícias in necessitátibus;

sed a perículis cunctis libera nos semper,

Virgo gloriósa et benedícta


Initio