……………助護一路翻譯就一路係度解釋，Tiger摸摸大B既四肢，按下佢又用一個專業儀器正開佢個口，佢話幫佢睇睇入面有無野卡住食道，但係大B就不斷係咁反抗，好似好唔想比人正佢個口咁，Tiger好似好粗獷咁扯大B個頭，我就係咁叫佢小心D，唔好正親佢，一方面係怕大B正親，另一方面係怕佢會發惡咬人，但係Tiger應該都唔驚，因為佢著住住手套呢!如是者大B被Tiger扯就縮個頭入去，搞到做唔到檢查，因為大B真係好大力，連Tiger都忍唔住講左一句:「So Strong!!!」。最後都係要一個男人出馬，好似好暴力咁扯大B個頭出黎，先至可以正大佢個口同佢檢查呀!就係個一個時候，大B竟然做左D事出黎-----柯尿=.="搞到人地檢查張?成大嘆水呀!搞到我有少少唔好意思….但係Tiger即刻好專業咁用布?走左，我諗佢見到LI個埸面都係見慣見熟架啦。
最後Tiger既結論就係-----無結論=.="佢話有二個選擇比我地揀。一)就係照下X光，睇下係咪傷左個內臟。二)就係開藥比大B食。個陣我聽到佢話有二個選擇比我地，好認真咁講，我重以為話要人道毀滅呀，真係嚇死我咁濟呀!好彩唔係?。之後哥哥決定開蘗食下先，跟住Tiger就跟手入去間房度拿藥出來，佢拿住支針，原來比藥大B食要打針架，佢係拮係佢個頭旁邊個堆肉度，見住佢拮支針落大B個身度，我個心真係好痛呀，大B一定好痛啦，因為佢拮落去個一下，大B就柯左第二泡尿=.="佢出唔到聲，但係就痛度要咁去表達。
Tiger話有一個按例，佢話有主人帶一隻吐血龜龜來看，點知道發現個喉嚨卡住一片大魚鱗，原來主人都係比龜龜四周爬，點知食左落肚就出事啦。所以Tiger問下我地係咪放佢四圍走，我地話:「無錯，係呀…..」……=.="
順便問下Tiger點樣處理大B生出來既蛋蛋，結果Tiger竟然好驚訝咁話:「下…佢生蛋????係佢????」我話:「係呀…係呀」原來大B咁大隻，個外形同個殼又因為生得分別大同埋扁，令到Tiger以為大B係男仔喎…..咁都分唔到，唔係掛?跟住佢又打量一番，就話大B無左鈣質，所以個殼就生得唔多正常，好平又扁，之後就開左一堆藥比我地。可能因為頭先打針個陣我見到大B比人打落去，個心好痛，係咁叫佢小心D，所以個助護同我地講話如果真係想佢快D好返，就真係要比大B食晒D藥，重要係打開佢個口用支針筒打D藥入去，完全比佢吞晒佢，唔好比佢吐返出黎，話唔可以叫佢開口，佢就識得開口=.="(LI一個Point我緊係知道啦!當我傻既咩…..)最後Tiger送左我地一句:「Good
Luck~~~」
今次係養佢地十幾年來第一次帶大B睇醫生，真係比人既醫生重要貴，埋一張單都要$370。不過同大B睇完真係心都安樂少少，平靜左，起碼無之前幾日咁驚啦，我知道如果唔理佢，我可能會無左佢，我地屋企人唔可以無左佢地二個，因為早就已經當左佢地係屋企人咁看待啦!所以千奇唔會比大B細B有事，唔可以。之後既治療期好順利，大B無左有吐血既現象，一切都回復正常，而大B好合作呀，哥哥喂佢食藥，佢地好快而且張口食呀>.<好神奇，但係又真係咁，個助護姐姐好似話無可能個喎…..哈哈哈。
到左無幾耐,正所謂我最鐘意用既term,一波未平一波又起啦,細B無端端開唔到隻眼,二隻都開唔到呀,係咁佢就唔行,唔食,好似死大一樣,但我知佢未死,因為佢仲有呼吸呀,又係我做主人要做既事啦,好多人都話LI個眼病係養過龜都會經歷過架,而且我知道眼病係龜既身上好容易發生,如果水有少少唔乾淨的話,都會好容易感染得到,其實我都算係好好彩架啦,養左佢地十幾廿十年先有一次咁普遍既病。不過普通還普通,我都唔可以睇住佢咁樣唔理佢架,唔開眼又唔食野,最後咪係死…..所以又係第二次帶佢睇病既時候,即係又拿起電話打比Tiger預約,過二日之後我同哥哥,爸爸一齊去大圍個度睇。
因為臨時有一隻狗比車車傷,好危急要做手術,所以我地一等就等左好多個小時啦,係等待期間,見到好多主人都帶佢地既寵物睇醫生,有狗啦、有貓啦、有爬蟲啦、雀仔都有、仲有既就係我地既龜龜啦….有個場面好記得,就係一個細路同佢爸爸帶住一隻很小的龜龜去睇,係隻龜仔,好似好生猛,完全無事咁,問個細路原來龜因為唔多食野….咁就帶佢睇啦, 我認為佢真係過份緊張,龜龜好多原因唔食野,天氣冬了就是其一,不過有一點我可以肯定的,就是主人們都很愛他們的每一隻寵物,不然的話,都不會帶他們的寶貝來都這兒啦!很欣賞他們。他們父子二人見到細B比他們的大幾陪都嚇了一大跳…..何解會有這樣大的龜龜????大家都對我們可以養十幾廿十年都感到很是好奇。
等了超過三四小時之後,終於都到我們家的細B了,Tiger看了一看之後,就給細B開了一隻眼膏,看來很是有效,我們回家塗了不出一星期之後,細B的眼仔就打開了,我們又一次放下了心頭大石,那膏藥真的很好呀!
相安無事又過左幾年..........