Depraved Angel - Bulu Bulu
人的成長為了學會思考和分析
可惜在這個成長的道路 很多人也本末倒置
不是用理智去分析和接收
而是用智謀去計算和得取自己的利益
願我身旁每一個人 也能保持怹的真
多少抱憾 多少過路人 太懂估計 卻不懂愛錫自身 懂得珍惜每一秒 便能好好去愛
不常update的原因︰
沒有心思的ft1108 Bulu Bulu is
me...haha..I like this. This is a secret.
曾經 visit 這兒的人也知，我一年先 update 呢度一次！
我深明自己無天份去設計一個吸引人的主頁！
現在覺得外觀如何華麗也好，內容才是最重要！
與我相熟的人也有這兒的地址，與我做朋友是交心，這兒也是我把內心分享的地方
堅持用上杉達也來取名，因為沒有比他還要實在的感覺……
看過 Touch 的人會明白，達也的特色是真和不造作！沒有華麗的外表，但有一顆赤子之心！
我用得ft1108做地址，我梗係11月8日出生啦！FT == Flora Tse！唔好諗呢個代號係我既本意?!
我無呢d心思加！呢個代號係好多年前要用unix account set password時，一個朋友幫我set！
我仲要反問佢 ft1108 點解？我真係好無心思！但我好欣賞佢個一份心意 - ft1108 ……
聽完呢件事，你就明我無心思既程度去到邊！不過，我都留用左呢串文字？！
往後我 register既email或blog都用返ft1108！我覺得呢一串文字就係我啦！
我係個點樣既人呢？樣？不過不失啦！講下興趣人啦……
我好鐘意笑！得閒就睇下漫畫或者小說。我特別鐘意安達充的 TOUCH 同 H2，因為書中流露了一種堅毅的信念！
「棒球由兩出局開始」睇過安達充一定對呢句說話有印象！不輕言放棄，沒有一樣東西得來是容易！必先放下內心的障礙，才有成功的一天！
性格飄忽。有陣時好鐘意嘈、有陣時好鐘意靜！唔熟我既人成日覺得我不停咁變，好難捉摸！識得我耐既朋友唔會懷疑我係咪乜都得個講字，因為我有一股傻勁！
我自問對朋友好好，我都有一班對我好好的朋友！一個人到底多唔多知心友？你睇佢失戀個陣，到底有幾多個人會陪佢傾心事？有幾多個人會主動慰問佢，就一目了然！
人生奇特的地方在於人會成長，今天的果，是昨天的因。我始終
相信善惡到頭終有報，不忠不誠的人總有他的果在等他。付出受傷遇錯折的人，不過是為他日的成功而付出。明天必定會更好！
別看輕自己！當你走出灰暗的谷底時，便是好好去欣賞高山美景的一刻！
Tatsuya wrote @ 2007年 12月17日
[成長點滴] [科拿的心情] [Tatsuya] [keep fit] [科拿小品]