SUMMER 大事回顧
                                

                                呢個summer真係玩得好開心同好癲﹗因神婆上個sem
                            抱著一種嘗試0既心態去take五科﹐真係忙到去玩0既時間都無﹐
                            過0左呢個sem後﹐心想終於可以放假去玩喇﹐玩又真係玩得好
                            開心﹐但係真係未停過﹐不斷地出街﹐不斷地出街食﹐不斷地
                            食食食﹐0係神婆take緊五科時﹐朋友話神婆瘦0左﹐今個summer
                            真係俾神婆乜都食0番晒﹐仲要有凸添呀﹗以下乃是神婆為大
                            家準備0既summer大事回顧﹐當中有我0地summer所發生過0既
                            趣事輯錄﹐本想連同照片一同顯上﹐但係部scanner scan出0黎
                            0的相實再太靚喇﹐靚到將人塊面扭曲﹐所以神婆會再整理過
                            後再呈獻俾大家﹐請大家拭目以待﹗
 

        第一篇﹕Summer 金句續句捉

                    Gary﹕    “呢到無你0既事﹗”
                                    “韓國人mall”(淫魔)
                                    “好懶﹗”(好濫﹖﹗)
                                    “食到賬穿個胃﹖﹗”
                                    “都唔知點讀書0既﹖﹗”(托住副眼鏡呢講)

                圓圓:    “留得個胃在﹐那怕食唔晒﹗”
                                    (“留得青山在﹐那怕無柴燒﹗”)
                                     “head & shoulder”

                    大家可能唔明以上金句係咩一會事﹐但係呢0的金句就大俾我0地
                        幾個津津樂到0既回憶﹐乃是金句中之金句﹗
 

      第二篇﹕飲食篇

                                繼我0地上年0既老爹茶居﹐“雷沙湯丸”及“你留0左件衫呀﹗”
                       我0地今個summer又一巨獻﹐真係笑料百出﹗我0地0的笑料都0係
                       係我0地食飯時爆出﹐有時其實唔係話0甘好笑﹐就係呢個圓圓唔
                       知發咩花癲攪到一個二個都笑埋﹐有時諗起真係回味無窮﹗

                            神婆今個summer真係0係0甘食﹐第一個去處就係神婆推介俾
                       大家0既Chili Club﹐呢間0野係食泰國0野0既﹐0係溫市0甘多間
                       食泰國0野呢間最鬼好食﹐雖然係幾貴﹐但係真係好好味﹗0係
                       呢到就揭起金句0既序幕及笑爆肚0既笑話﹗

            第一節﹕飛鈕比賽﹖﹖

                            我0地0係Chili Club作0左一個一年0既大事回顧﹐0甘我0地其
                        中有位朋友好強地敘述佢點樣0係個多月內減0左二十鎊﹐佢講
                        返佢以前仲好飽滿0既時候著褲的故事﹗
                            事原呢位朋友話佢嘗試去著0番以前0既一條褲﹐因為肥0左﹐
                        所以需要閉一閉氣0黎將條褲著上身及扣好粒褲頭鈕﹐佢講到
                        呢個時候﹐佢就話“喇﹗你唔好笑喎﹗”<--佢仲要好正經地講﹐
                        佢就話一個鬆起﹐粒鈕就0甘彪0左出0黎﹐佢仲要加埋那程有
                        拋物線0既手勢告知我0地究竟粒鈕係點彪出0黎﹐事後粒鈕仲要
                        唔知飛0左去邊添﹗
                            當時笑到我0地人仰馬翻﹐神婆同圓圓仲要誇到笑到頭撞頭﹐
                        此乃是Summer一絕0既笑話。圓圓跟住仲要講話不如大家試0下
                        玩這個飛鈕大賽﹐比賽一下睇0下邊個飛得最遠﹐哈哈哈哈﹗
                        真係笑到人都癲﹗神婆第二日一笑﹐仲感覺到個肚有少許痛添
                        架呢﹗

           第二節﹕砂煲篇
                                  其後我0地仲勁到連續三日食All You Can Eat﹐大家都知神婆
                        鍾意去飲飲食食﹐但係呢次係第一次食得0甘誇﹗我0地第一晚
                        食Jiro﹐乃是Gary推界0既一間食日本All You Can Eat﹐價錢好
                        合理﹐0個到0的魚生好大件﹐尤其0的Spicy Salmon 簡直一絕﹐
                        勁好味﹐佢正就正在仲有Sabu Sabu﹐簡直一個字﹐正呀﹗可惜
                        0既係佢0個到就無0甘多食物種類揀﹐不過神婆都會極力推界
                        俾大家0係溫市0既朋友去呢間Jiro到食﹗真係點﹗

                              第二晚﹐神婆同圓圓同Marco及死佬去0左食砂煲﹐0係到所發生
                        0既趣事真係多不聲數﹐神婆將會0係到續個捉。大家0係溫市住0既
                        朋友都應該知道呢間幾抵食0既食府喇﹗
 
                          事原我0地入到去﹐0的waiter0既對答方法都有0的問題。神
                        婆一入到去就問佢睇0下有無酸梅湯啦﹐個waiter就話“我0地呢
                        間有整夏foo草﹐同乜乜乜”講完一輪先話自己無整開酸梅湯﹐
                        非常奇怪﹐之後﹐我0地一連四人食食0下就有個奇怪waiter對住
                        我0地張台鬼死0甘大聲話“係﹗”0甘﹐傻架﹗“係你個死人頭﹗”
 
                          我0地食0下食0下﹐0的豉油同麻醬都用晒喇﹐所以就叫個waiter
                        拎0的0黎俾我0地啦﹐點知就遇著個抵死死肥仔waiter喇﹗我0地好
                        有禮地問“唔該拎兜豉油0黎呀﹗”0個死waiter就做埋手勢問“要
                        幾大兜呀﹖”0甘我0地咪話好似個碗仔0甘大兜囉﹐我0地叫菜﹐我
                        0地話要西洋菜﹐唔要波菜﹐個死0野玩0野話“要西洋菜唔要波﹗”
                        係0甘玩0野﹗
 
                           除後我0地食得0甘上下﹐0個死肥仔就問我0地食唔食甜品﹐0甘
                        我0地問佢有乜甜品喇﹐死肥仔就話“我0地有四隻甜品﹐有腐竹糖
                        水同糖水煲腐竹﹐有熱有唔凍”﹐0甘我0地深知呢個死肥仔玩0野﹐
                        0甘我0地退庭商議後再叫糖水食﹐我0地就叫0左“兩碗熱0既腐竹糖
                        水同兩碗唔熱0既糖水煲腐竹”個死肥仔就話“我0地得一隻糖水﹐
                        係熱0既腐竹糖水”0甘我0地就“鯪”0野喇﹗個死肥仔話“有熱有
                        唔凍呀嘛﹐唔凍即係熱啦﹗”個死肥仔呀﹗圓圓深深不奮叫個死
                        肥仔整碗“唔熱唔凍”0既0黎。
 
                          當死肥仔拎0個四碗糖水0黎﹐我0地見到有煙﹐0甘圓圓咪問個死
                        肥仔做乜有煙﹐個死肥仔仲話“呢個係你0既幻覺”﹐而圓圓0個碗
                        又真係無煙架囉﹐真係唔知呢個死肥仔搞過0的咩0黎。
 
                          最後到大家埋單0既時候﹐圓圓仲用0左Gary0既一句“呢到無你0既
                        事0黎打發呢個死肥仔走”﹐呢個死肥仔真係遇工作於娛樂﹐玩客
                        玩得0既開心呀﹐臨走時仲好好聲氣話“多謝晒呀老細﹗”

                 (本來神婆有張紙寫底0左一0的details0既0野﹐雖不知一個sem後就唔見0左
                   喇﹐大家有0的咩要加入去的話請告知神婆﹐最好0係呢段假期內啦﹐大
                   家都知神婆一開學就打仗0甘架啦﹗)