譚魚頭火鍋(深圳愛華店) -- 27Nov2004 晚餐

地址：深南中路2038號，興華賓館側

交通：一般行經深南中路的巴士都可以，在興華賓館站下車。

小豬女、馬仔

話哂都係名店之一，遲早都會一試，就趁今晚天氣轉涼，去食番次先。本來一早就應該去到，但話自己識路ge馬仔就帶左小豬女行左個大運囉！根據馬仔ge辯駁，佢話間鋪個地址寫係位於深南中路，但係在深南中路是沒有"明顯"入口，要去回後面振中路進入。

紅白湯($30)：白色是番茄湯，味道不太突出，吃不到番茄味。紅色是香辣鍋，味道不太辣，但都好味。其實可以不要白湯，因為打後都好少用白湯。

全魚頭($28/斤)：一斤有三塊圖中大小的魚頭連少許魚身。侍應建議如果喜歡吃辣的話，可先叫廚房先煎一煎，會香口點。侍應先把麻辣湯底加進每人一碗的秘製調味料中，待魚頭在鍋中滾了數分鐘後，侍應便把魚頭撈起，放入調味料湯內。個"魚頭"部份真係好滑，不腥，個魚頭與香辣湯底好配合，魚頭索哂了辣湯，一邊食緊滑滑的魚頭，又同時啜到d辣湯。魚身d肉就不太特別。

鮮鴨血($8)：泡浸過辣湯，十分入味，入口一咬辣汁慢慢滲出，口感煙韌中帶幼滑。鴨血是吃辣鍋的必備配料。

毛肚($26)：牛柏葉囉，得10塊咋，貴囉。

苕餅($2/件)：馬仔至愛，又驚食唔哂，所以就叫住兩個先。

盡魚頭($32/斤)：食完全魚頭好似唔夠喉，叫多一斤！盡魚頭無乜魚身肉，抵d！

仲有其他火鍋配菜，冬瓜($8)，金菇($18)，雞脾菇($18)。

譚魚頭除了魚頭外，無乜特別，但相對其他同等級食肆，收費卻高很多，所以都係試過就算！

[回到我家]