8Jan2005 遊深圳花絮

8Jan2005 遊深圳花絮

小豬女和馬仔在下午到東門潮人商場-南塘行逛，買左兩件物品，小豬女好開心！

米奇老鼠手袋($50)：手工好精美，應該唔係翻版貨；賣剩一個，老闆一毫字都唔肯減。仲有，小豬女睇中鋪中一個藍精靈公仔，應該係唔知邊個國家的麥當勞在02年送的公仔，又係剩番一個，老闆唔肯賣，激死小豬女，搞到日日都係度哦！

剪紙揮春一個($20)：差不多1尺半乘1尺咁大，好靚架，揀左好奈，花多眼亂，好多選擇，有好多形狀及圖案。打算買回家貼上大廳玻璃窗，當農曆年裝飾。

其實每次除了當日在深圳食兩餐外，小豬女還會外賣翌日的食品，今次其中一樣外賣是大娘餃子。d餃是即時包的，果個盛器好有意思，分開一格格，所以d水餃唔會粘埋一齊。