巴蜀風

巴蜀風 -- 30Jan2005 晚餐

地址：振興路與燕南路交界

小豬女、馬仔、傻龍、神經漢、金比

(28Feb2005) 原來神經漢D評語寄左去Gmail，今日發覺，加番先。

晚上決定帶幾位新丁去食四川菜，就以巴蜀風作為入門店，話晒裝修別致，應該幾適合。

叫做樣樣試下，前菜幾碟，主菜又幾碟，仲叫左好幾樣糕點，應該相當豐富。不過個神經漢繼午飯時狂食兩碗白飯後，今晚又話要叫碗擔擔麵，咁多野食仲要叫麵，真是發神經，終於碗麵梗係……，哈哈哈！

菜單：晾衣白肉、二姐兔丁、口水雞、水煮江團魚片、蟹黃豆花、干煸四季豆、咸燒白、南瓜餅、巴蜀餅、十八粑、牛肉焦餅。

結論：水準維持，但開始發現巴蜀風似未能反映四川菜的【一菜一味，百菜百味】的神髓。

晾衣白肉（$20）：例牌的前菜，OK喇。

神經漢：與香港的分別不大....最大分別只在於價錢....一個可以當好抵食既茶色品嚐.....

二姐兔丁（$18）：原來兔仔肉都幾好味，不過始終是兔仔，以後都是吃少點。

神經漢：三字經可以講晒....平靚正......一定要食下...野味得黎又唔係好野味....一個算幾溫醇既野味....可以再食

口水雞（$28）：典型的菜式，標准的味道，掂。

神經漢：食完都會流下口水...諗下又會流下口水既口水雞....唔算好辣...食過番尋味

水煮江團魚片（$68）：菜單本來有個水煮魚片只賣$38，落Order的時候，店小二建議另外3款$68的，誤打誤撞就叫了這個水煮江團魚片。

原來江團魚都算大有來頭：【江团鱼体表裸露无鳞，肉嫩而肥厚，刺少。这种鱼终年栖身于嶙峋险峻、苍翠幽深的岷江山峡十多米深水底的鱼窝中，是一种稀有的珍贵鱼类。烹制菜肴肉质嫩而鲜美，曾被人们称为“嘉陵美味”。据传，冯玉祥将军赴美前曾在四川澄江镇上的韵流餐厅品尝清蒸江团，并说：“四川江团，果然名不虚传。”】

雖然江團魚以清蒸而聞名，但今次試的水煮亦相當美味。入口滑溜，又少骨，加上傳統的水煮烹調方法，混入少許麻辣，去除魚腥味，好好味。下次有機會要一試清蒸的是否真的‘名不虚传’。

神經漢：滑而不辣, 辣而不燥.....正

蟹黃豆花（$28）：

神經漢：食完好嗱飽....唔食好過食

干煸四季豆（$10）：干煸是川菜中相當普遍的一種作法，當然要俾D四川菜新丁試下啦。

神經漢：食左一碌....feel唔到【註：呢條友唔食豆嫁，唔駛理佢】

咸燒白（$12）：好似是蒸梅菜扣肉，D肥肉入口會溶，幾好，但是始終太肥，都係小食多滋味吧。

神經漢：d肥膏入口即溶......好似m&m咁...只溶係口.....唔溶係手..........正正正

南瓜餅（$6）：如果沒有點巴蜀餅，這個就不會被比下去……

神經漢：冇食過....因為傻佬唔食南瓜餅

巴蜀餅（$6）：似乎大家都十分喜愛這個餅，下次一定要再食。

神經漢：正啦.....食左兩大件......可以比美傻佬最愛既白飯

葉兒粑（$6）：根據小豬女講，這個是甜的，中間有紅豆餡，好食果喎。

牛肉焦餅（$5）：煎左D牛肉做餡，再煎埋個餅，一般喇，唔駛再試。