西湖春天 -- 30Jan2005 午餐
地址：笋崗東路3109號百匯大廈二、三樓（即笋崗路與紅岭路交界）
交通：從皇崗坐23號在建設集團站（前稱博愛醫院或康泰娛樂城）站下車，步行3分鐘。
交通：從火車站坐102號在帝豪酒店站下車。
小豬女、馬仔、傻龍、神經漢、金比
(28Feb2005) 原來神經漢D評語寄左去Gmail，今日發覺，加番先。
今日小豬女帶同倆位新丁神經漢和金比去覓食，原來神經漢有N年未到過深圳，就帶佢地去西湖春天，等佢地嘗嘗杭州菜的風味啦。
對上果次光顧應該是2004年12月中，今次竟然有全新菜譜，圖文並茂，印刷精美。
人多D，小菜又可叫多D，好似松子黃魚、咸肉春笋炖河蚌呢類菜，得兩三友食都幾吃力，有五個人就輕鬆得多。
菜單：醬板鴨、蔥油蛤蜊 兩斤、松子黃魚、咸肉春笋炖河蚌、蒸雙臭、三鮮魚丸煲、東坡肉兩塊、獅子頭兩件。
今次小菜份量五個人應該差不多，大家淨食送都已肚飽腸肥，惟獨神經漢發神經，竟然還吞噬掉兩碗白飯，真是神經病。
結論：仍然穩坐小豬女飯堂名單內。
醬板鴨（$38）
神經漢：好有西班牙火腿feel.....正啊!!!!!!!!!!!!!!!!!!!!!! :p
蔥油蛤蜊 兩斤 （$18/斤）：馬仔次次都要叫，而今次亦一如以往，很快便被大家一掃而空。肥美、鮮甜。馬仔會再食。
神經漢：我其實唔知係咩黎...我諗係抄蜆卦....唔係...我諗可能係咸水蜆....hehe
松子黃魚（$88）
神經漢：魚身好味吖....送飯一流.....唔怪得食左兩碗白飯....怪哉
傻龍：松子黃魚,不單止魚身好味,個魚頭亦別有風味,脆卜卜,唔洗吐骨,有d似炸魚皮?味道
咸肉春笋炖河蚌（$48）
神經漢：個湯好好味呀....不過唔知呢味係餸定係湯啦....阿豬阿馬冇特別介紹喎
蒸雙臭（$18）
傻龍：蒸雙臭實在太臭,完全同坑渠水冇分別,我就食唔到炸臭豆腐果d味道,暫時未識欣賞。
神經漢：名附其實.....好嗱臭.....smelly x 2....你話係咪好勁臭先.....但係食落陣味真係唔差...不過要食之前先要有一個好強烈既心理準備先...真係有d似食屎....依...諗起都臭
東坡肉（$5/塊）
神經漢：又係M&M...入口即溶....掂呀...推介推介...送飯正呀....弊...又比人知我要黎送飯添
獅子頭（$13/件）
神經漢：我本人黎講...啖左d (其實好淡)....可能我鐘意濃味卦....人人口味唔同啦...費事比意見
三鮮魚丸煲（$25）
掛住食，唔記得影相添！大概係有D魚丸（唔係彈牙果款，係好似綿花糖果隻），有D津白一齊。
神經漢：好明顯...我係一個潮州人....唔係潮州魚旦...我都只會話一般(純粹嘉賓個人意見....與網主種族岐視無關)
[回到我家]