客家王

客家王海鲜酒家振华分店 -- 20Feb2005 午餐

地址：福田区振华路73号

小豬女、馬仔

本來打算去試試新開張的山東菜——齊魯風，可惜手持地址太糢糊，竟然就咁寫華發北路416棟，我倆由華發北路街頭行到街尾，都找不到，算吧啦，反正都未試過客家菜，就幫趁這間在深圳有多間分店的客家王。

坐定飲啖茶，左看右看，終於點了4個小菜：(唔記得抄低，大概如下）客家咸雞、豉油煮魚仔、釀豆腐、炒蛤蜊。

連同強制性的兩小碟（要$8）和紙巾、埋單好似$98度，OK啦。

結論：不過不失，不過客家菜在香港亦頗普遍，故此多數唔會再係深圳試了。

客家咸雞：好好食，好滑，又好味，小豬女最後成碟清晒，正！

炒蛤蜊：用青椒同紅椒一齊炒，同香港食開的差不多，都幾好味。

豉油煮魚仔：幾過癮，D魚仔細細條，唔知係先炸乾還是曬乾，然後再用豉油一齊煮，入口脆脆地又咸咸地。

釀豆腐：D豆腐好滑，幾好，不過口味無大驚喜。