重慶陶然居風味莊 -- 3Apr2005 午餐

地址：福田区新聞路一號中電信息大厦

交通：的士、地鐵香蜜湖站步行10-15分鐘、大巴深南大道科技大廈站或特區報社站步行10-15分鐘

小豬女、馬仔

經過長期的地圖研究，今日終於千里迢迢慕名前來。重慶陶然居以辣子螺尊定在飲食界的地位，用的是特別培養的福壽螺，現在全國連鎖分店數十間，似乎幾吸引，加上我倆對田螺亦頗喜愛，就趁今日行程比較空閒，到此一試吧。

甫踏入店內，立即看到一告示牌列明不可拍照，故此以下的照片是用手電偷偷摸摸拍的，效果比較差點。

菜單：陶然辣子螺（$38）、陶然芋兒雞（$28）、老醋拌蜇頭（$28）、飄香定音骨（$6/條）、手抓醬黃瓜（$8）、炸涼瓜湯丸（$5）、素菜飽（$6）。埋單連雜費共$141。

結論：感覺只是另一間重慶菜館，在眾多四川菜館中，未能脫穎而出。

陶然辣子螺：招牌菜，D螺幾肥大，肉身亦較普通田螺乾淨。辣辣地，好吃，但又似乎不致於可以一菜走天涯，亦不須要專程來吃。

陶然芋兒雞：亦是招牌菜，主要材料是芋兒和雞。吃落沒有甚麼特別，雞略嫌味淡了點，芋兒亦沒有沾上任何雞味，就似是將兩樣陌生物擠進一個器皿中，但它們卻保持互不揪睬的態度。不喜歡。

老醋拌蜇頭：甜甜地，酸酸地，D蜇頭都幾有口感，小豬女話甜左些少

飄香定音骨：好似間間鋪都有條類似的烤骨，這條亦OK啦，無大驚喜

手抓醬黃瓜：仲有碗醬冇影，一般

素菜飽：幾好味喎，隻飽入面全部是菜，好

炸涼瓜湯丸：綠綠地，幾cute，入面有些少麻蓉，入口有微量的涼瓜味，又甜甜地，喜愛喎

[回到我家]