MORA
CO LUDZI DUSIOUA
U
nos we Laband, tak kajsik miyndzy "Rynkym" a
"Zakanauym", boua kedys tako jedna, na kero kozdy
godou ajnfach Mora. Mysla, co niy ino u nos we Laband jom znali.
Suyszouch o niyj i od inkszych, kere miyszkali blank kaj
indziyj. Uonskego czasu miaua ona tako moda przikludzic sie kajs
i tak dugo sie szmotlac kole doma, aze jyj kery niydou sznity ze
masuym. Ta sznita ze masuym, to je to co tako Mora nojwiyncyj
lubi i poczym idzie jom niyroz poznac. Kedys, kej lotauo, kaj
ino, pouno Morow, to zaro je szuo poznac po tym, co jak sie
takyj jednyj abo drugyj Morze obiecauo tako richtik rubo sznita
ze masuym, to zaro ponia prziszua. Tak szuo kedys Mory poznac.
Suyszouch ize juzas coniykere trefiyli, we Laband i kole Laband
tysz, Mory. No tosz kej sie Mory juzas skludziouy nazod do
Laband, i kaj indziyj mozno tysz, to jo wom sam opowia jako to
kedys downo poradziyli ludzie tako Mora wyciepnonc furt.
Napszod musicie ponsc do piekorza i kupic fajny swojski
chlyb. We Laband bou kedys nojlepszy u piekorza na "Prziszowce".
Kej juz tyn chlyb kupicie, to idzcie z nim zaro do jakego
dobrego gospodorza - we Laband som nojlepsze gospodorze
"Zakanauym", i niych on wom ukreje ze niego blank rubo
sznita. Potym jak juz mu tysz powiycie poco`scie do niego
prziszli, to niych on wom ta sznita posmaruje ze swojskim
masuym, takim od odniego od krowy. Na som koniec to juz ino
idzcie i zawouejcie na ta Mora, a ona juz zaro wos znondzie. I
jak ta Mora od wos ta sznita se weznie, to zaro zaniom idzcie i
nasztompnijcie do odniyj sladow. Kej juz to zrobicie, to ta Mora
na zicher niy bydzie miec siouy wiyncyj wos dusic, i bydzie
paczec sie stracic. Niykere Mory som ale fest frechowne. Kej na
tako treficie to musicie pedziec taki konsek:
"Widzisz
Moro ty niymiouo We Jordanie cie niy bouo Kaj Krystusa
downo Krzcili Kaj Maryjka tysz wodziyli"
Potym
to juz i najgorszo Mora sie straci. Niykere, i we Laband, to juz
zapomnieli o tym jak sie Mory idzie pozbyc, ale som jeszcze
"Zakanauym" oumiczki, kere to pamiyntajom.
Niywierzycie?
<<<
Nazot <<<
|