話說,我已經有成個幾月無玩線上遊戲--天堂--好一段日子了。
因為近排工作繁忙,返左工又無心情上網玩,好累...加上又無錢買點數咭入點玩天堂(公司無糧出-__-")。
所以,都係諗住等日後有錢時再玩返,又或者暫將它擱置一旁。
在天堂上,有開心的事.亦有唔開心的時候,我寄情於工作,擺脫左天堂的誘惑。
雖不至於變成失業大軍,但每日都需要工作的生活,卻令我無法再有額外剩餘的時間去重返遊戲世界...
6月29日,收到一封email.來信者係一位曾在天堂中,與我"出生入死"多時的好戰友-Johnson"一虎一" forward
比我的.信中原來係由天堂的GM(game master)send比佢的.內容係:
"親愛的玩家您好:
我們已選中你的角色"一虎一"與"一M一"於7月14日晚上9時30分在伊娃神內進行由GM主持的婚禮,希望你們
可以準時出席婚禮。"
我睇完之後,感到有點驚訝,因為我已無玩天堂好一段日子了.突然間要舉行婚禮?!真係感到又開心,又有點擔心。
雖然之前玩天堂的日子,我和"一虎一"係好Friend,好close.但而家咁耐無玩,無聯絡.都唔知對方仲有無意思想同我
舉行婚禮...我想也不想,就回左email比Johnson.
我問佢近況.話佢知我好開心收到佢的Email我應承他,到時候我一定會準時出席婚禮...可惜,一直都未收到他的
有關回覆...我知道,如若要申請結婚的話,係要預早一個月"排隊",並要send email比天堂GM.仲要比佢抽中,先可以
舉行到婚禮的。我一直都唔知道,虎虎佢有send到email同我搞結婚.真係有點意外~
我期待著7 月14號的來臨.用謹有的零用錢,買了一張點數咭(80點).於13號星期六的晚上重返了天堂...
好友們仍對此game不離不棄.見到我,都不斷互相問候及通電話談近況.令我感到親切溫暖。上了網大半天,也不見
"一虎一"他online.心想,可能他也已經放棄了天堂.專心於自己在加拿大的學業了...
不知道,他有否收到我的email.有否記得明晚的約定?!......
7月14號.晚上9點15分。我比原定時間早了點上到天堂.因為要通知朋友到場參加婚禮,及要準備"飛"去伊娃神殿。
在臨前行時,我在"奇岩城"的賭狗場,賭了幾場狗.贏了少許金錢...-_-"昔日,我又係好喜歡與朋友們在那處賭狗吹水的,
有時候贏得"盤滿柸滿",但運氣不好時,卻輸得"慘絕人寰"...瘋癲的時候,仲試過把每場跑狗的結果寫下take notes,以作
日後參考之用...=.=^真係有點兒那個...
網友"錢呀" & "SMILEY(簡稱SM)"都悄悄話和我傾計打發時間。時間一分一秒地過去,終於到了9:30PM...我留意著
"上線朋友名單"..阿虎的名字,始終也沒有出現...我開始擔心,和失望了..."是忘了嗎?..還是沒時間.沒點上來?!又或者.."
想著想著...朋友問我,"你的未婚夫on左line未呀?"我只好回答:"可能佢忘記左婚事了...唔緊要啦...>_<"雖說"唔緊要",
但內心卻直呼著,請你快點出現吧...無論如何..起碼...來個"有始有終的大結局"啊..嗚嗚...>__<等...再等...
突然間,虎的名字出現在"上線朋友名單"上,我不知如何是好...要主動向他say Hi嗎?!還是等他叫我先呢?想下想下之際,
屋企電話響起,一接聽."我係Johnson呀"~!!虎虎打電話比我,佢問我o係邊.我地就o係唔同o既地方,一齊向神殿出發,趕到
現場...那時間,已有好多玩家在神殿內擠湧著了.我和虎虎一邊傾電話(那時還有他另一位朋友在3-line一起傾計),一邊
在神殿內找位置企好.我倆變身做"歐吉"(綠色巨人),之後等了不久.GM就出現了.那時候情況最混亂,有人鬧GM啦,亦有
人拍GM馬屁...。原來當日亦有幾對新人要同時進行婚禮.所以都幾多人.幾lag...當GM宣佈:"好了,下一輪到"一虎一"與
"一M一"這對新人"繼而再問:"一M一,你願意嫁給"一虎一"嗎?!我用大叫模式回答:"我願意呀!!!"GM:"一虎一,你願意娶
一M一為妻嗎?!"虎虎便答:"YES!!"...婚禮就在一片混亂下,簡單地完成了...
婚禮結束後,我和虎虎&他另一位朋友,一同去了"海音"城吹水和玩.到了1點am左右.因為第二天的早上我要返早...所以
唯有與虎虎告別了...
"一虎一"係一個16歲的男孩子,我認識他時.他正在加拿大修讀中.呢排.佢放暑假,返左來HK...
之前在天堂上,很希望他可以盡早返HK.雖然我無諗過要和他見到與否.但心中就是有這個祈望。
我覺得非常抱歉,因為到現時為止,他也以為我係同佢差唔多年紀(15,16歲).但是實上...我大他好幾年.這個真相,我又難於
啟齒。怎樣也好,多謝他一直以來對我的關心及愛護~哈哈~雖然限於GAME中.但我已感到十分幸福了^O^~!!
在此.謹多謝當日賞面出席婚禮的朋友"SM" & "錢呀".
最後,當然要更加多謝,送這個驚喜給我的虎虎Johnson.
我會記住這一切一切~^_______^~thx you all very much!!
