點解．．．往往事情總要等到無法挽回, 人先至懂得後悔呢 ??
我好記得幾年前, 我送我其中一個好朋友機o既時候, 我見到機場入面有個掛住banner (?).
上面係寫住一句英文:'Why do we always find the best bargain when we are leaving.'
當時, 呢句話真係令我感觸良多 ... 而時至今日, 我都好鍾意呢句o野~ 真係好有意思o架~


我覺得好少人會無做過d令自己覺得後悔o既o野, '今生無悔'呢句說話只適用於好少人. 至少,唔適用於我身上!
問心, 事至今日, 我真係做o左好後悔o既o野 ... (例子? 講到聽晚都講唔晒咁多~) 我記得好多人都講過:' 過o左o既o野係追唔返o架喇,不過最重要係有冇重呢次錯誤而學到o野! ' 呢句係o岩, 不過我想講o既係我好同意第一句'過o左去係過唔返'. 有d o野真係錯一次就冇得再返返轉頭, 家下唔係打機, game over 可以入錢o黎過. 好似留案底, 真係一世o架喇~ 如果一個人有案底, 佢前途已經 o左一半o架喇. 至少我覺得人地對有案底o既人o既第一個印象已經大打折扣 ... 唉~ 不過留案底o既人, 都可能係佢以前唔識諗, 做o左d作姦犯科o既o野先搞到佢有而家o既報應呢.

但係, o係感情上, 基本上係冇對錯之分o架嘛 ... 不過你/妳 行錯o左一步就可能會同上述作姦犯科d人 o既後果一樣, 返唔到身 ... 當然, 返唔到身指o既唔係全世界, 但係得唔到心儀o既人o既芳心, 同世界末日 又有何分別呢 ??

所以話呢, 有時有d野又唔敢做, 不過又覺得唔做會好後悔 ... 好喇, 俾你做左又覺得好後悔, 認為唔去做, 留返低俾自己幻想下重好 ... 你話呀, 做人係咪矛盾呢?!

好似我以前, 我好想去識某人, 但係又唔敢主動去識 ... 過左幾日, 後悔喇. 最後終於鼓起勇氣去識人,但 之後又覺得因大家唔可以進一步了解對方而後悔. 認為唔識好過識, 至少可以俾自己少少幻想, 等第日都可 以諗下佢o既好處呀嘛~

不過算喇, 好多野都係收入同付出唔成正比架喇 ... 最重要係享受到個過程~