無見你都有7年喇
還好嗎?:)

又此至終我都係想問你點解會係個個時候話鐘意我呢?
我真係有d摸不著頭腦
班上有咁多個咁似樣既女仔
點解你又唔會同佢地咁講既呢?
係唔係因為我同你同五毫子三個玩得埋
所以你先咁做?
我收到張card我真係好愕然
我expect只係一張聖誕card
我從來無諗過你會咁做--我只係唔明點解你會鐘意我

anyway----
我個時仲未知道自己其實對你係點樣
所以我就當無事發生過
一如以往收起晒朋友比我既card

後來我搬左屋
先知原來我成堆card/人地送比我既禮物都全部掉晒
我淨係想搵番你個張
我都搵唔到/我真係唔知講咩好

而家我已經習慣左一個人
前排我仲dump左你唯一張相添!
哈哈

我同我自己講過
話我以後都唔會再諗起你
有一排我的確做到
夜晚訓得好好
好自然咁就訓著左

但係我其實係無辦法做到
我真係唔可以再呃自己
晚晚臨訓
都不知不覺咁喊左
越喊越犀利
有時朝早隻眼會腫左
會好痛
甚至唔想爭開眼

好辛苦
我不停問自己點解會咁
我真係唔知道

可能我真係鐘意左你
對不起

我好想再見番你
就算只係一分鐘
都好

我忍受唔到只係可以晌夢度見番你
夢入面既你---可唔可以唔好對我咁好?
您可唔可以同我講/你已經無左個種感覺--好嗎?
你如果可以咁做
我可能會好過少少

因為我接受唔到你已經唔晌度呢個事實
我接受唔到你對我咁好---但係我當無野
因為我以前成日覺得呢d野/係必然既
我對你唔起
你知道嗎

我一d都唔藉得你對我咁好
你明嗎?
我係個籮底橙
但係問題係個籮度仲有好多好多個好靚既橙
點解你偏偏唔揀呢?

我好想見你/係一個事實
我愛你/亦係一個事實
但我唔值得你對我咁好/係一個鐵一般既事實
我唔捨得你/係一個事實/但係我根本唔想接受

我而家好矛盾
好難受

你帶我到你的地方去
好嗎?