記得有一次，有個人打錯電話黎我屋企﹗
係佢第二次再打黎既時候，
我竟然冒認我就係佢要搵既女仔﹗
可能果日太無聊喇﹗傾左好耐，
我終於講出我既身份，
佢好攪笑....佢叫我聽日出黎﹗
我居然好爽快咁應成﹗
我係第一次咁爽快咁應成男仔﹗
仲要係一個三唔識七既人﹗
當然我搵多個Fd陪我啦。
我地第一次見面去左唱k，
第二次見面又係去左唱k，
第三，第四次都係去唱k﹗﹗
佢唱歌好好聽﹗真係好好聽﹗
佢唱果首"愛我別走"...好聽到都唔知點形容﹗
果日開始我就中意左呢首歌﹗
好攪笑，佢識我既時候只係知我叫阿幻，
唔知我個真名﹗無意中比我見到
佢入我係佢既電話到個名入"play"
我問佢點解，哈哈..佢話唔知幻英文點入..
所以入左"play"中文係"玩"...同"幻"既音差唔多喎...
同佢傾計好開心架﹗佢份人好攪笑...又靚人﹗﹗
成日都會令人好開人心既....
佢對我好好，追左我一段時間...
係D到果晚，我應成左佢﹗
佢攬住我錫我個，都幾Sweet﹗
不過清醒過後，我推翻左一切﹗
我知佢好唔開心﹗我亦都好對佢唔住﹗
但係果刻我仍然仲掛住一個人，
我唔想佢做我既代替品，
自己又過唔到自己個關﹗
加上我個Fd又中意佢﹗
總總既原因令我冇辦法唔推翻一切﹗
個朝6點幾我地搭車返屋企，
途中我同果Fd講話想去沙灘坐下....
佢番到屋企之後沖完涼走左去沙灘搵我地，
可惜我地冇去到沙灘，
因為...我決定出去深水步搵一個人，
搵一個唔應該搵既人﹗
其實我好蠶，好傻﹗﹗
點解有個咁好條件既男仔
係我面前我都唔比個chance自己﹗
點解一定要計清楚先去再考慮其他野﹗﹗
點解次次後侮完一樣又一樣﹗﹗
其實我佢對都有Feel...
點解仲要考慮咁多野﹗﹗﹗
*****************************
2002年4月13日
三年冇見....
我地約左出黎食飯，根住去左唱k...
佢對住我好唔自然，就連唱歌都話有d怯﹗
哈哈﹗佢真係好得意﹗我知道佢唔會再中意我﹗
我真係好想佢問多我一次﹗
我同佢合唱左一首"從不喜歡孤單一個"...
佢話我唱得好認真﹗我好想話佢知，
呢首歌正係我想同佢講既說話﹗
到最後佢唱左首"祝君好"我聽...
我完全Get到佢既意思﹗
其實我好想攬住佢同佢講聲 i love u﹗
可惜依家要見佢真係唔容易﹗
直到依家佢仍然係唯一一個我會掛住....
亦係唯一一個令我有Feel既男仔﹗﹗