我地相識左有4個月啦
話多唔多話少唔少
雖然識左你咁耐
但係我始終都唔知你諗咩
我覺得你好難捉摸
究竟你有冇鐘意我?
我成日都問自己呢條問題
因為我冇勇氣問你呢條問題
我唯有日日咁問自己

我記得有一次同你傾電話
你問我係咪鐘意你
我答你係
雖然你知道左之後冇對我產生反感
你仲經常同我傾電話
約我去打波 約我去睇波
甚至約我去街
但係我真係唔知道你有冇鐘意我
當你朋友問我係咪同你一齊
令我好困擾
因為我唔知道你當我係咩
你曾經對我所做既野冇可能係朋友咁簡單
朋友會唔會KISS?
朋友會唔會攬?
朋友會唔會拖手?
所以我唯有否認係你女朋友
可能你會嫌我大過你1年半
又可能你又嫌我唔夠靚
所以我都經常叫自己放棄唔鐘意你
但係我真係做唔到呀
有時我會諗
如果當初唔係有人話你知我鐘意你
你係電話問我我又唔認係鐘意你
而家會係點呢
會唔會好過而家呢
或者我地真係有緣無份喇~