夢想竹林 ~二之一~
每個人o既愛情故事都唔同.有開心.有唔開心.寫li類愛情故事o既人多數都係唔開心o既,
但係開心o既我,就同大家(以第三人稱)分享一個開心o既戀愛故事^^

因為某o的原因(過去o左lu,都冇意思啦~),小竹急住搵男朋友,就諗起一個月前佢朋友同佢
提過o既一個男仔.個男仔姓林,所以就叫阿林啦.當時佢朋友話個男仔個人幾好個喎,小竹睇
佢o既外表,都唔錯,就對佢有o左好感.諗諗o下小竹就問個朋友個男仔有冇女朋友,確定o左冇
之後,就決定搵佢做男朋友.不過,小竹並唔係玩個男仔,佢都會認真咁付出.

一日,小竹就同佢o既兩個朋友一齊o係學校小息o既時候,向佢表白.佢兩個朋友叫阿林過去
佢o地o個邊,小竹就企埋一邊.阿林聽到有人叫佢,就傻下傻下咁行過o黎,點知佢就行左去一
埋小妹妹到,仲以為係佢地叫佢添.小竹o既兩個朋友一路笑一路叫住佢.小竹囉住盒朱古力奶
,雙眼望地,由得佢兩個朋友同阿林講.而阿林見到小竹li個樣,就覺得好搞笑啦.阿林聽到佢
地同佢講小竹鍾意佢,就淨係o係到笑,冇回應.佢地一路同佢講,講到小息完左啦.其中個就囉
左阿林o既icq.
小竹o係第二晚同阿林傾左幾句,阿林就趕住走啦.再過一晚,小竹就約左阿林去街.o個陣佢
地先知道原來阿林o既屋企就o係小竹屋企後面,只係隔一條巷仔.唔怪得佢地番學行同一條路
啦.可能早o係之前,大家就已經互相有左好感.第一晚出街,小竹覺得阿林好得意,阿林都覺得
小竹好得意.o個晚好凍.阿林凍到成個人都震晒,場面好搞笑.小竹就叫阿林攬住佢,結果就輕
輕搭住小竹個膊頭,兩個心入面都有一種奇妙o既感覺.