夢想竹林~二之二
上次講到出街o既時候 , 阿林攬住小竹喎 .
之後仲去o左小竹屋企陪佢添(o個日係一年難得一次小竹o既父母出o左去) . 都天光啦 ,
小竹都好眼訓 , 就慢慢咁合埋眼 . 阿林望住小竹o既一張小臉 , 伸手去摸o下佢 , 搣o下
佢 , 好可愛~
第二日 , 佢地o係icq見 , 之後就傾電話啦 . 小竹就問阿林:「如果尋晚唔凍 , 你會唔
會攬住我架?」阿林竟然答可能會掛 , 原因就係...阿林已經鍾意o左小竹囉 . 閃電式咁識o
左四日 , o係icq傾過一次計 , 出過一晚街 , 就一齊o左啦 .
兩個根本就唔了解對方o既人無啦啦就一齊o左 , 開始o既時候總係成日嗌交 . 甚至有講
過分手....但係每一次分手 , 大家總係會唔捨得 . 尤其係當小竹一喊 , 所有o既問題就係
消失得無影無蹤 , 因為小竹o既淚水 , 會令阿林個心好痛 . 當然 , 人傷心o既時候會喊
, 阿林為o左小竹 , 都喊過一兩次啦 . 小竹唔鍾意男仔喊得多 , 佢認為太多就唔似男仔啦
, 而阿林為左佢好傷心咁喊 , 小竹知道之後都有一種唔錯o既感覺 , 少少喊亦算係深情呀
!~佢o地而家已經係分不了手o既戀人呀 . 好幸福 .
夢想竹林....
小竹同阿林好想有自己o既家 , 好想晚晚一齊訓覺 , 好想一齊食o野....(其實佢o地都好
懶同好為食架^^)仲好想生番隊足球隊喎~但係呢 , 阿林就怕小竹會痛 , 仲話唔俾佢生咁多
添~~小竹+林就係小竹林啦 , 究竟夢想中o既竹林幾時會出現呢 ? 佢o地都好期待....(完)
嘻~li個係我自己o既故事 , 雖然好簡單 , 但係都好開心 , 唔知各位網友睇完又覺得點
呢?會唔會都感受到我同阿林o既開心呢?
希望每一個人都得到幸福~