黃家強因家駒發妏憎
昨日是Beyond靈魂人物黃家駒死忌，有過百Fans帶備鮮花、紙紮結
他、大宅連天台泳池、冷氣機、波鞋及煙等到墓前拜祭。黃家強、
黃貫中(阿Paul)及葉世榮一如往年，首先到省善真堂拜祭，隨後到
墳場上香。雖然家駒離開十年，三子似乎仍百感交集，家強更因遺
失火機而有點．憎，離開時他向在場傳媒及Fans說：「希望大家理
解我今日心情唔好，唔好意思。」

阿Paul去遊行

阿Paul表示每年今日都是落雨，但今年與十年前一樣陽光普照，他
說：「眨吓眼十年，有開心有唔開心，開心係我地繼續努力冇放棄
，但每年今日總會唔開心，唯有再積極先對得住佢，我同佢講準備
巡迴演唱會。」阿Paul透露於佛堂燒了全新結他及擴音器、日用品
及中式情侶衫，還特地準備麻雀好讓家駒招呼朋友。對於家強心情
差，他覺得大家要諒解。阿Paul直言今日以市民身分參與七一遊行
，問到有否相約家強及世榮？他說：「冇叫，唔想好似強迫佢地行
。(怕唔怕有人乘機滋事？)我覺得唔會，總之依家了唔了解23條都
好，今次有機會表達就要出聲，唔可以任人魚肉。」世榮表示拜山
後便回內地工作，故不能參與遊行。

日前接受電台訪問時，家強直言家駒離開是人生低潮，但可能物極
必反，現時面對任何風浪都不會執著及不快。經過十年，家人間仍
避提家駒事件，以免觸動任何人。

似天使在守謢

早前演唱會前，家強曾夢到家駒，他說：「個夢係我準備出台時發
覺重戴眼鏡同未換衫，點知家駒話除�鱁ぎ棺餕o。我發覺自己好依
賴呢個人，唔能夠自己解決問題。其實家駒係天使，落黎帶Beyond
行一段路，雖然走左仍守護我地。」家強表示每次聽到家駒歌聲仍
會落淚及情緒波動，節目尾聲，家強對家駒說：「其實你一直拖住
我隻手，突然放開手，我冇怪過你，但呢個考驗我係合格，我知你
仍然陪我。」