|
31/3/2005 - 最後一爆... CityU站... 8大拉機賽最後一站... 估唔到燒鬚, 出Mix得第四, 輸都唔夠一秒, 真係一人快dddddd都可以拎返個銅牌... 估唔到一個start值1.5秒... 但其實又係咪個心既問題? 阿Matt話我上次係發晒癲咁去追艇... 看來... 她的心情好了不小... 暫時, 舒一口氣吧... |
|
28/3/2005 - 到底, 在想甚麼? 坦白地說... 又不是非常傷心, 非常激動, 更沒有大哭大鬧. 只是, 心非常的不舒服. 就是淡淡的揮之不去. 生老病死, 沒有人可以不受這四個字束縛. |
|
26/3/2005 - 有心... - 如果有心做一件事, 若果被投閒置散, 會感到唔開心, 同時有d激動... - 如果有心做一件事, partner有事一定唔會睇住佢死, 點都會撐住佢... - 簡單d講... 有心做既, 好自然想做到最好... 好遺憾... 離開左IVE後... 同電腦有關既野... 仲未有野比到呢個沖激我... P.S.: 今日偷雞, 拉30min臨尾谷上30rating... 2'02.4... 7351... fake new record... |
|
23/3/2005 - 嶺南站... 今日係8大拉機賽既嶺南站, 最興奮係黎呢個站, 因為咁多間U, 就係未見過LU, 我根本係抱住半個"小學生旅行"心態去的... 好彩今日搭西鐵, 如果係搭巴士的話, 睇怕有兩個要double up lu... 入到去LU, 覺得好舒服, 好靚, 有小小園林feel... 今日第一次出Mix... 又因為同阿sa都係專做start, 未試過上機, 結果爆start既任務都係留返比家姐, 我呢個做細既就接受上機既挑戰... 個人時間又快左啦, 1'32.4... 最後拎第三... 真係好險, 好彩double up既阿Matt仲發到力... 走既時候, 阿Matt叫我幫個LU既姐姐執水樽... 執完行返黎, 細康同我講左兩隻字: "幾好"... 響LU飲茶又幾抵... 同埋兩個Poly既哥哥加個IED既姐姐一齊飲... 一人30蚊... 食極都有... 雖然, 事實真相應該係病左既阿Rick食得好少... |
|
22/3/2005 - 怪夢... 只怪自己學藝未精... 其實應該講不學無術... 發左以下既夢, 唔知點解: |
|
21/3/2005 - 自問自答 問: 入左科大都差唔多半年, 有乜野問題, 你好似好易答, 但又覺得最難答? |
|
20/3/2005 - 獨沽一味... 朝早去左踢波... 不過我係上個week先踢返波, 之前咁耐無踢, 都無乜技術可言... 唯一到既招, 就係用個背脊挨住對手, 然後搓搓下咁隔硬過人, 然後傳波... 又或者等d界外球拋入黎, 又係用個背脊duck住人, 然後跳起, 頭槌... 今日大口棋上晒身... 入左10粒, 痴線... 我地隊波得我可以同佢鬥到身位, 但我又成日響前面, 結果佢就可以為所慾為... 今日既天氣好正... 風和日麗... 可惜... 忙碌的還是繼續忙碌, 想做的事還是沒時間做... |
|
19/3/2005 - 再次挑戰... 今日, 去到艇會, 熱完身, 再拉三十分鐘... 今日不停地同自己, 仲有班兄弟講唔可以再衰多次... 雖然拉到, 但呢個係一定要既, 唔係乜野開心事... 時間方面, 比自己最好一次差左... 差左0.4 sec... 頭20分鐘我不停地keep 2'01 ~ 2'02... 估唔到臨尾十分鐘爆偈, avg跌破2'03... 似乎體能同意志都仲未夠... 距離2'00呢個基本要求, 仲差好遠... 而家既進步好唔明顯... 好難再好似之前咁, 挨多小小, 或者個form執好d就可以一up就up成一兩秒... 真係要遂小遂小咬返黎... 練完艇... 星期四既事又再被重提... 我亦都再一次......... 其實, 我真係唔知點解我 0個次會停, 係真係腳痛, 定係心理作用? 如果係心理作用的話, 咁我真係連個心態都未夠班... 呢個污點, 對我既打擊甚至比起上次比賽cap槳仲大... 希望我可以用行動去洗到底... 而事實上... 到而家, 我都未feel到乜野叫谷爆... 唔知谷爆係乜野黎... 唔知自己到左底線未... 我而家只係想每一次都有進步... 知道阿威, 家明, Sam佢地返IVE打波, 返左去見下佢地... 知道"是搵笨"今日有堂上... 知道Rita應該都差唔多時候放學... 即刻搵埋佢一齊行去沙田先搭車走... 都好耐無見過佢... 不過就難為Happy, 要被一盞足以照耀沙田既燈膽響隔離照咁耐... |
|
17/3/02005 - 心魔... 做COMP271 assignment, 做到6點幾先訓... 結果, 上個sem Amy所講, 關於9點lang堂既野應驗... 以後要小心d... 只係拉小左一次30min 0者... 估唔到, 個心魔又出返黎... 而且, 仲係撒旦級數 0個隻... |
|
16/3/2005 - 笑話兩則... 以下兩則笑話, 新鮮熱辣, 真人真事, IT人應該會睇得明, 唔係IT人... 可以隨便Ignore... 1 - 上Software Engineering堂, Prof響Power point度打左句: "Use Case is NOT ART!". 原來, 有同學仔幫UML中既Use Case diagram既火柴人著衫... 2 - 同Advisor meeting, 要做short present, 有同學仔將wireless protocol中既802.11g, 當成為device既重量, 結果就讀出 "eight hundred and two point one one gram"... 另外有一單笑料, 食tea時先同Bennett, Jason share完, 轉頭COMP231 mid term就即刻見到... 吹脹... |
|
13/3/2005 - 久別重逢... 犧牲訓覺時間, 一早起身去左樂華場, 同晴天足球隊班frd踢波, 佢地見到我第一句野都係: 好耐無見... 又係既... 我都幾個月無掂過個足球... 結果今日入既波, 全部都係要多射對面既後衛同埋龍門... 唔係靠自己既超削技術... 晏晝, 亦係返UST做野... 亦係要搭通宵小巴走... 70km/hr響德望一段既清水灣道衝落黎, 爽... 平時上到50已經算係快... 雖然返到屋企, 但都唔訓得住, 等埋integrate既partner無問題先訓... 4點了... 老了, 4點, 夜了... |
|
12/3/2005 - 無奈... 晏晝一如以往的去練艇... 點知, 新人得我, Rick同S.Hong, 全部係Stroke side人... 我又唔可以無啦啦轉bow side... 加埋機房又唔夠機... 結果乜都做唔到... 練艇做過既野就係響機房用一部無錶既機拉左1500... 同埋響個tank度firm... 再唔係就加埋跑左1500熱身... 夜晚, 返左科大做proj... 以前響ive, 都唔使響學校做野, 我亦都唔鐘意咁做... 而家要咁, 事關個server要響學校先access到, 同埋, 有d野要同group mate斟... |
|
11/3/3005 - 衝勁的年青人... 打電話黎撈亂我同我細佬把聲既人... 成日都有, 但好似呢次咁衝勁既年青人真係第一次見: IVE狂谷Java, 好憎.NET... 但d人成日話.NET點方便點勁, 好, 即管信佢...但唔知係咪寫唔慣, 我寫得好痛苦... 我覺得如果唔係有.NET Studio的話, 可以當佢vb咁看待的話, 對我黎講, .NET真係垃圾... 今日, 一個bug由早de到晚... de到我灰晒... 決定落百佳打個圈... 買左包童星點心麵同埋Chips Ahoy... 返到屋企, 食左幾啖點心麵已經攪掂個bug... 只係打多左一句code... 係一句code... 我真係想xyz#$%... debug唔緊要, 但就咁樣浪費左我一日, 我唔甘心... |
|
10/3/2005 - 準確無誤 vs 失準... 終於到左LANG206, 要去University Center度上... 我都係第一次知道有呢幢野, 第一次知 0個度有間餐廳... 當然... 呢間can我入唔入得去食, 我都唔知... 去University Center度上, 原因就係為左demo部發石車... demo方法係每次發三球, 每發一球, 就用個golf黎mark低粒乒乓響邊個位落地... 負責射野既同學仔... miss仲要求佢地戴住副泳鏡當係safty goggles... 當然, 全班人都係戴眼鏡就算... 除左一位哥哥仔佢自備一副實驗室用正宗安全眼鏡... 我地組架車雖然投射距離"冠絕"我地班... 但係準繩度, 我睇怕都無乜邊組做到我地咁... 我地既第二發, 竟然可以打到第一發時留低既golf... 我自己都覺得勁... 或者係做發炮既Tommy手勢好啦... 發完幾炮, 要做present... 三分鐘... 雖然我未至於係吹水王, 但係要對住舊紙紮老吹三分鐘, 都無乜大問題的... 之後既組都係present左先... 一路present, 個miss係咁細細聲問我地d野... 有好多都同physics扯得上關係... 咪玩啦... d physics, 我拋低左幾十萬年啦... 之後, miss話比d時間我地改良架野... 結果, 我地冒險加多幾條像筋落去... 成功彈到4.6m... 咁我地既report應該有野寫啦... "Four rubber bands double the distance"... 河馬話佢 0個舊可以彈到20m... miss都話有班可以做到咁上下成績... 勁... 一粒乒乓, 我用手都唔知可唔可以拋到20m... 痴線... Lang堂miss好人... 比我早10min走去HKU站拉機賽... 今日狀態麻麻, 坐落部機度, 個人超緊張... 硬晒咁... 仲要HKU個鬼佬偷步, 浪費左我三下starting... 再起步, 5槳 start竟然得1'30, 之後要full slide返一兩槳先上返1'26... 接受唔到... 最後1'34.5...... 話時話, HKU個鬼佬.... 60吋胸都黎緊... 我個銅牌竟然染有第二間U既人既汗水... 竟然會頒錯獎... 愛神Ben彼特的愛神之箭... 好彩阿Ming唔係男人... 佢解釋到點解做色魔(註: 即係痴漢)要搭電車... 好有潛質... |
|
9/3/2005 - SAD重現... COMP211, S.E.既test... 同以前既SAD既test方法差不多... 背野 30 + 10分, 不過, 畫一個class diagram就已經值60分... 是托grade? 是靠害? god knows... 都仲係整加死人catapult... 終於, 放棄counter mass, 整爛埋架紙紮投石車... 終於可以彈到2.4m, fufill到min. requirement... |
|
7/3/2005 - 人肉計數機... 今日搭小巴既時候, 心血來潮, 無啦啦拎部計數機出黎... 果然, 真係無電, 而太陽能板又晨早爆q左... 一陣測ISMT161... 點算? 結果我就要用人手計(((420/480)/(560/420))/(420/480)). 對一個唔識計數, 平時唔會計數, 兩位以上既數一定要用小算盤既CS人黎講... 計呢條數簡直轟烈... d小數點攪到我盲咁濟... 相反, 一般理科人最驚, 問concept, 考背野, 我又好似無乜問題咁, 大部份都識... |
|
6/3/2005 - Hong Kong Open 呢日去左九龍公園既Hong Kong Open... 室內賽艇... 響地鐵站等人既時候, 終於見到阿康既眷... 好似好怕醜咁... haha, 好攪笑... 唉... 難為我地呢team新人team, 四個人都係一支公... 攜眷?? 我個銀包或者randomly會出現一d過期現金劵既... 今次係我同河馬, 阿琦同埋阿光第一次四個新人砌埋一隊同人鬥, 完全無舊人旁住... 剛剛好... 82年, 83年, 84年, 85年既人都齊晒... 我就自然係最老餅 0個個... 阿康set比我地既目標係6'15, 平均每人唔使1'34... 好大挑戰... 仲要係第一次去d大型比賽... 雖然打定輸數 0者... 點都有小小怯, 再加埋個膝又有d痛, 仲要左右一齊黎, 而且尋日拉完30min d氣都未返晒黎... 仁哥set比我地既目標: 贏其他U既新人... 最後做唔做到就唔知呢, 唔知隔離U 有無d異獸級新人... 我地應該係排 10/20... 不過不失啦... 響我地前面既, 除左我地既怪獸隊拎左第一外, 其他全部都係CU, PolyU...... 今日第一次真係同我細佬響隔離鬥拉機... 好過癮... 雖則我就係爆start, 佢就係做衝線... 無得直接單挑tim... 我地今日呢隊新人隊都幾多意外下... 首先係河馬唔為意我臨尾用half slide黎谷... 早左數321, 好彩佢都數返慢, 加埋我上返full slide就返... 跟住到河馬拉時, 我又早左數321, 不過係因為我睇錯個錶既百位數字... 早左成百米叫... 好彩佢地三個都睇到, 無事... 係河馬好似被我fake到窒左窒... 跟住到阿琦就嚴重甩腳包... 之後阿光又響接捧時甩seat... 呢d意外, 夾夾埋埋, 真係可以一人一秒... 我地既怪獸隊又一次表演... 大專組贏左, 入埋最後十強... 事後聽聞... 第二, 可惜.. . 剩係輸左比隊消防, 當中包括一個50吋胸既異獸... 已經好勁了... 至於女仔... 又係輸左比中大既mix... 似乎我地既女team要打返d男性荷爾蒙... 比賽完, cool down返... 唔知點解個個都響度不停地咳... 之後響個場度睇下第二d team既變態佬... 1'25keep住既都未係最癲... 聽聞有1'20樓下既超級異獸... 買左件$20既tee做紀念... 都唔見城城既, 又話係大使... 仲諗住睇下有無人挑佢機tim... |
|
3/3/2005 - 獻醜... Lang堂... Miss迫我地show架投石車出黎... 唯有獻醜... 我見好多人都係好求其做, 就連Miss都話, 隔離班好多人有兩米, fulfill到min requirement, 已經開心到爆. 但我地班真係例外... d人真係, 用成寸厚既木走去整... 我真係唔知邊度咁得閒... 係咪真係想用架野殺人?? 有d就整左d好好機關... 真係可以"孟"雞, 開槍... 我地組... 免提了... 習慣了自修... "放左學"去左gym房做gym... 拉到30分鐘機, 對腳好似無事... 時間亦好過傷之前既一次... 2'03.7, 都係唔過7300... 差25m... 唔知係咪響艇會慣左嗌... 黎到gym房... 都仲會"一半啦", "仲有10分鐘", "last 5分鐘", "0黎, firm 10槳" 咁叫出聲... 不過當然, 就住, 唔會叫到大大聲... 之後練爆發力... 50秒做20下真係好係野... 其實今日set個重量同我上個sem做12下既重量差唔多... 但理應, 我而家做既重量係我最高負重既一半... 阿傑依然係博拎最佳進步獎... |
|
2/3/2005 - 白痴的勞作... COMP211, 有兩條友比阿Fred趕左出班房... 衰傾偈... 好彩我一向上堂都係做獨行俠多... 想傾都無得傾... 放左學, 又係留左響LG4, 繼續整架白痴發石車... 本來, 我用既方法, 係利用一個counter mass, 做到每次投"石", 都有一個好穩定既輸出... 好穩定既距離, 做到個requirement... 點知, 穩定夠穩定啦... 但係距離係... umum... 我諗我疴尿都遠過佢囉(雖然我唔會疴石), 有乜理由響正我面前落返黎... 但係用人手投既話, 個距離可以好恐怖... 當然, 毫無穩定可言, 可以一下係5米, 第二下係5厘米... 真係要諗諗佢...... |
|
1/3/2005 - 殺到埋身... proj, test... come on... 我係唔會避你的... 事實上, 我無得避... 終於響Habour度收到BU站既相... 睇到自己原來響500m拉機賽, 爆既時候, d姿勢錯到離譜... 早開身, 速龍手... 齊晒...... 簡稱為樣衰... 改到呢d... 應該可以快到唔小... 兼且受傷機會大減, 同埋影張相出黎都好睇d... |