|
28/10/2004 - 煩... 好似突然間... 好多好多野煩... 讀書, 正當我開始搵到問題響邊既時候... 突然間, 又有d無厘頭既野黎煩一煩我... 想我點? |
|
27/10/2004 - 寫信... 夜晚, 做完rowing既gym section, 又同特登山長水遠走入黎科大既阿廉去跑步... 由運動場, 沿斜路上, 跑到巴士站, 又落返黎... 我真係頂唔順, 唔知關唔關做完gym事... 跟住, 又響運動場跑多6個圈先走... 真係... 夠... 返到屋企... 打返封E-mail比Emily...... |
|
26/10/2004 - 初見騎呢人... 入到UST, 都就黎兩個月... 終於見到d騎呢場面... 話說今日ELEC堂... 本來都只係充斥住professor一把令人昏昏欲睡既聲音... 點知, 突然間有條友好大聲咁講: "d手感仲未返返黎..." 原來呢條友, 響度拎住部PPC打機, 仲插晒headphone, 所以連自己講野幾大聲都聽唔到... 佢呢句野一出, 全班收晒聲, 包括professor...... 真係比任何中小學老師叫d學生"肅靜"有效... |
|
25/10/2004 - 一week又過... 放左個唔多似weekend既weekend... 又星期一... 朝早又係去攀石... 今日, 我終於試到背脊落地既味道... 話說我爬第二次時, 爬到上個位有小小咁多倒吊... 我諗住叫tension, 放棄... 但個coach叫我試埋佢先... 我即管試下, 結果, 果然頂唔住, fall... 但下面幫我做Belay既, 又一次係一個120磅既哥哥仔... 結果, 佢當然又係比我成份拉起左... 但今次... 佢仲幾乎撞埋牆, 結果佢就本能反應的縮左隻制動手... 跟住我咪響上面直飛落黎... 好彩, 離地一米時, 佢都仲用佢隻左手幫我停到半秒... 但最後我都係要跌... 好彩就算響我爬到既高度跌落黎都唔係好高, 如果唔係, 我睇怕都唔使打呢日既日記... 話時話, 好似無一次上堂係齊晒十二個人的... 有位響Mainland黎既同學仔, 見左佢兩三次就再無見過... 記得開頭兩個week, 我盡我既能力, 人事, 用普通話同佢傾偈... 我既普通話真係好掂, 掂到佢獎勵我: "其實, 我都聽得到小小廣東話, 你可以用廣東話同我講野......" 至於我自己, 上左五堂攀石, 有乜得著? 當然有, 話說尋日踢波, 禁區內渦利抽射, 唔係高好多, 不過係出晒球場個鐵絲網外面... 咁當然要爬出去執波... 我發覺我爬鐵絲網出去執波既時候身手好左好多... 好快可以執返個波返黎... 今日無去land train, 因為要補返一堂tutor同埋一個lecture... 放lecture, 諗住去lib記溫書... 但係溫溫下, 收到阿媽既留言: "十點鐘無水, 你快d返黎沖涼... 如果唔係..." (因為lecture room收唔到電話...) |
|
24/10/2004 - 輕度運動... 朝早本來諗住去踢下波的, 點知踢得一場半... 對住兩條友, 一個真係有實力有身位... 另一個就, 我覺得係有d超技術, 佢都唔係搶波, 剩係撞開人... 但當我想上力準備同佢地鬥身位既時候, 就比book場既人趕走... 附近呢, 另一個場又比人book左, 剩低兩個場, 每個場都至少四隊跟緊... 當每隊踢15min, 踢得黎都12點幾... 不如早d閃算lu... 結果, 我都無乜出汗就閃... P.S.: 期待孫燕姿新碟... ^_^... |
|
23/10/2004 - MATH132 Test 本來, 數呢科, 都唔會預好得去邊... 唯有針對弱點黎溫... 計Set既... 諗住熟晒, 話晒IVE做過唔少... 相反小理... 但估唔到除左d必唔識答既題目外... 呢條都唔鬼識做... 做錯左... holy shit... 呢d分就失得唔抵嘛... ELEC已經炒左... below mean... 再黎就真係... 唉... |
|
22/10/2004 - 重陽假期... 拜山 >> First water train... |
|
21/10/2004 - 小休... 前兩晚都去左自閉位閉關... 今晚好tired... 溫左一陣, 唔溫啦, 返屋企, 沖個涼, 慢慢食下飯, 慢慢溫... 雖然響屋企真係好難會溫得有響lib記溫得咁快... 發覺根本集中唔到... 唔溫住啦, 落左坪石公園, 慢慢跑返兩個圈, 做下掌上壓, sit up, 蝴蝶腳之類... 唔知點解, 星期一Land Train完之後, 個肚有d怪怪既感覺, 好似火燒咁... 本來以為只係一兩日... 但原來唔係... 今日都仲燒緊... 不過照做啦d exercise, 以我經驗, 只要唔係有傷, 輕輕做下, recover得仲快... 計埋今次, 我都係上過呢個公園兩次, 上次剩係去行, 無乜feel, 今日一跑... 發覺條路唔掂... 好多氹, 成日會dun左落去... 跑得多真係怕傷腳... 要小心... 同埋上去個公園有兩條樓梯, 其中一條... 幾多狗埋伏... 今日比一隻狗吠, 再同一隻單對單對恃... 條路又無人, 真係驚比狗咬死都唔知乜事... P.S.: uhome ar uhome.... 你幾時先好返, 比我backup返d野呀, 兩年既日記, 1xx個留言呀... >_< |
|
18/10/2004 - 格仔餅... 十一月之前, 星期一都係我既運動日, 就係划艇Land train + 攀石... 今日攀石無教新野啦, 比我地自己練... 似乎開始熟習d"正確姿勢", 就算前臂已經痹晒漲晒, 都仲可以頂到, 唔會跌落黎... 不過都要小心, 我開始對下面做protect既有太大既信心... coach叫我fall既時候, 我真係一腳就撐個人出黎, 但無諗到做protect既連120lbs都唔知有無... 佢幾乎成個比我扯到飛起... 我就好似泰山咁... 成份撞左埋佢度... 可想而知我差幾多就掂到地下... Land train今日唔玩跑圈, 玩新野... 叫做"格仔餅", 玩法係跑圈, 但係每一百米就要做d野, 例如掌上壓, situp等等等... 今次玩四個圈... 當然就辛苦過跑五個圈啦, 但絕對舒服過跑6個圈... 總之唔好要我一路不停地跑就實會舒服d... 最弱就係心肺同埋耐力... 雖然Land train真係幾消耗體力... 加上d mid term忙野開始埋身... 但有樣野講得 0岩... 溫書都唔係差在 0個幾個鐘, 時間係自己黎調既... 要玩Rowing, 唯有自己玩小d, 去圖書館閉關多d啦... |
|
17/10/2004 - 做做做... 留響屋企, 做下功課溫下書... 推左, 無去踢波...... 係時候要犧牲下啦... P.S.: 偉豪, 生日快樂... |
|
16/10/2004 - Star course final... 終於都上晒全部既Star course, 仲有得玩埋隻Water jogger, 好輕, 唔使點用力划, 亦都唔敢用力去划... 一陣失左平衡, 咁就真係要試下城門河水既味道... 其實有兩次我都幾乎要試... 一次係出碼頭, 一次係轉緊彎既時候發錯力... 好彩都--66咁無事... 不過正經野, 埋碼頭始終好有問題... 下晝, 考試... 筆試就唔係問題啦... 用common sense做mc... 唔識既話仲可以............ 至於落艇... 好在, 平安, 無事, 連埋碼頭都埋得幾好(相對朝早d亂泊岸...)... 不過除左我係做晒一set spin turn, backing, 急停同埋泊碼頭之外, 其他人考既都好騎呢... Wilson要考"三手呔", 阿Ming就要backing返碼頭... 似乎位教練應該係去錯地方, 佢其實係要去香港駕駛學院... 或者個教練覺得連我都可以正正常常做晒咁多part, 應該無乜邊個唔得掛... 唔理啦, 平安攪掂就算lu, 如無意外, 遲下可以自己去玩lu... |
|
15/10/2004 - 電子白痴... 今日ELEC個lab係要玩電腦... 用d 個叫PSPICE既program去simulate d circuits... 不過, 簡簡單單既lab, 已經攪到我要overrun9個字先做得晒... 但有d人快手既, 9個字已經執定野... |
|
14/10/2004 - 擾...... 我都唔介意人上堂傾偈的, 事實上我自己間中都會... 呢個亦都係我入左UST後極少同返frd一齊坐既其中一個原因... 但係, 如果有8個人, 一個正方型咁圍住我, 大大聲傾偈... 我真係有d衝動... 放學, 同埋阿傑去左做gym... 爆左一陣, 其他時間主要都係執下d姿勢... 硬係怪怪咁呢... 仲有... 河馬放我地飛機... |
|
13/10/2004 - 吹水COMP002 又到左一個sem兩堂既吹水002... 今日吹既topic人人唔同, yr1就要問下問題, 關於UST live的; yr2就要比d advice yr1, 但唔可以關於學業, yr3就要同大家講下邊d course死得人多同埋邊d professor係killer... 呢日都聽到d野啦... 至於我, 真係諗唔到d乜可以問... 都未遇到既問題, 問左可能到時都未必一樣嘛... 最後, 我只係問左: How to skip lessons smartly? (其實IVE仔... 呢d野點會唔識...) |
|
12/10/2004 - Phys002 Test... 上Comp171, professor demo 緊個tree過我地睇... 佢同時示範左, 有bug並唔係乜野可恥既事, 因為佢用黎示範既applet, 都hang晒機... 全班傻笑, 佢就苦笑... 慘... 其實, 可以話個Phys002 Test係open book test... 佢話就話剩係比帶份summary入去, 但實際上, 份summary非常足料... 做就識做, 希望無做錯啦~~~ 好... 執返d臨時日記, post住先... |
|
11/10/2004 - 要休息下了... 上星期五, 去左跑步+打波, 跟住星期六划艇, 星期日踢波... 疲態出現啦... 朝早攀石, 左手手指完全發唔到力... 不停地fall, 好彩今日唔使向上爬... 夜晚Land train, 跑圈先慘... 我企得好前, 結果前後都比班舊人夾住, 揭開左爆肺序幕: 第一圈 -
前面既舊人堆: 喂, 跟住黎啦...
後面既舊人堆: 喂喂, 跑快d啦, 跟住前面啦, 唔係跑得慢過女仔呀話?? (女仔跑小男仔兩個圈喎... 唔使留力咩)
上個week跑五個圈要9'50" (平均一圈1'58"), 今個week, 六個圈, 11'25" (平均一圈1'54"), 真係唔好睇少每圈快4秒... 呢日幾乎嘔水咁濟... 有幾下feel到個喉嚨有d酸野谷上黎tim... 操完, 本來諗住屈蛇溫書, 但無帶under... 算, 局返屋企... |
|
10/10/2004 - 集體生日... 我真係識好多人呢日生日... 除左我細佬之外, 仲有Pansy, Lina... 仲有... 好好好好好耐無聯絡既東哥... 差d攪到我都唔記得呢日其實係雙十節... 朝早踢波... 比文良陰左去打龍, 毫無預備下, 犯下嚴重錯誤... 樣衰到爆... 未試過咁樣衰... |
|
26/9/2004 - 唔好睇小... 我乜數都唔識計, 唯一最叻就係Probability... 但今次, 真係比COMP171既random problem玩死左... 救命... |
|
25/9/2004 - 划艇... 入左划艇Soc, 今日終於去城門河上Star1 course啦... 個教練都係前科大人... 估唔到第一日都有得落艇... 爽~~~ 如果划水划得應, 輕輕一下都好去... 如果有機會操大隻d, 坐8人艇, 8個人既力加埋, 一定爽到爆... 不過講開8人艇, 我今日落水時轉彎失控, 攪到要同架8人艇紏纏... 佢叫我駛返入航道, 條航道佢又霸住左, 咁我駛去邊... |
|
9/10/2004 - 又係划艇... 似乎... 呢排都放幾多時間去划艇soc呢度... 一個week兩日咁上下... 今日上star 3 course day 1... 好野... 今日有得玩2R... 其實應該叫Double R至 0岩, 因為雙人艇叫做Double, 而我呢d學神玩既艇, 又叫做"R艇"... 夾埋點都應該叫Double R至係... 不過我就點都鐘意2R多過Double R啦... 今日同阿傑part... wooooo~~ 好爽... 響個BB池既直線航道, 真係幾下就去晒... 全速時真係唔同Single, 做唔到即停呢... 越黎越期待8人艇既爆盡啦... 不過學返正經野... 個spin turn就似乎做得麻麻... 要操熟d呢... Coach姐姐話, 下個星期比我地玩隻艇, 快就夠快, 但有6成機會反艇... 咁咪有機會試下城門河水乜味... |
|
8/10/2004 - 變態week... 我頂... 一個week, 兩個assignment, 一個project, 一個test... 仲要剛好係星期一同星期五兩日做晒... assignment落得快功出大貨... Project同大圍攬住一齊死, Test就比Thevinin + dependant voltage + 3 mesh玩死左... 唉... 呢個week total走左4堂, 全部係無靚女上堂的... |
|
4/10/2004 - 走堂... 入左UST, 終於第一次走堂... 真係頂唔順... 訓得小小... 仲要全程用爆個腦... 訓多一陣, 起身返學上攀石course... 計attendance的, 要上夠鐘先可以pass, 有cert... 今日教返d正確姿勢... 好唔慣, 前臂要用好多力... 上完堂後, 真係拎筷子都手震... 不過Lunch既時候... 見到個翻版劉綽琪, 坐左響隔離台...woo~~~~ 有"面"送飯... "飽"~... 逢星期一都係Rowing Land Train... 雖則我尋晚無乜得訓; 雖則朝早既攀石都用左我d力... 但係都無理由慢左成20秒架?! 心肺功能真係差成咁?! |
|
3/10/2004 - 苦... 無耐之前先死完堆數, 今次到數, 同埋Elec... 我既弱項... 4/10/2004 - 走堂... 入左UST, 終於第一次走堂... 真係頂唔順... 訓得小小... 仲要全程用爆個腦... 訓多一陣, 起身返學上攀石course... 計attendance的, 要上夠鐘先可以pass, 有cert... 今日教返d正確姿勢... 好唔慣, 前臂要用好多力... 上完堂後, 真係拎筷子都手震... 不過Lunch既時候... 見到個翻版劉綽琪, 坐左響隔離台...woo~~~~ 有"面"送飯... "飽"~... 逢星期一都係Rowing Land Train... 雖則我尋晚無乜得訓; 雖則朝早既攀石都用左我d力... 但係都無理由慢左成20秒架?! 心肺功能真係差成咁?! |
|
2/10/2004 - 生日會... 夜晚同埋Rita伉儷, 阿諾同埋Maple出左去旺角食飯... 諗唔到去邊, 都係去返沙嗲王... 又唔算貴, 野食都ok~ 如果有人問我Rita同埋Maple幾時生日, 我答到出黎... 但到時到候, 又會唔記得呢... 呢餐就係補祝 + 預祝生日... 阿先本來都黎, 但佢未放工, 要陪老細呢... 食完, 響旺角行多陣就閃人~~ |
|
1/10/2004 - 國慶盃... 今日又同晴天班友踢波... 一去到個場, 就見到雞Ho - 我響順利既時候既阿sir, 佢都仲記得世成, 大口呢d乖乖仔... 我呢d乖未算乖曳未到我既... 佢會問我係咪讀順利囉... 不過除左雞Ho, 其他都係細路多... 終於有得大開殺戒啦... 響細場鬥左陣跟住落大場... 我今日既運氣似乎應該用黎買六合彩 - 半窩利掛網, 禁區頂角位笠射曲墜撞楣底入, 右腳吸左腳燙角... 最後頭槌收工... Last一場, 人地有個大人幫手, 不過似乎實力同我地無乜分別... 但都拖左我地勁耐, 鬼咩, 大鼻頭槌, 恒爺響度幫人護空龍... |