在我唔掂的時候，好想諗番一些曾振奮我的說話，鼓勵自己繼續努力。一句有意思的說話，有時好像沙漠中的甘露，足以令人繼續維持生命，逃出困局。願我們能永遠記得這些話，一起互勉之。

『係…我係樣衰喎…咁又點o者，但我做到o野呀，重靚過你o添呀，吹咩？』

『 我係乜水唔緊要，「英雄莫問出處」；你地唔好睇死我！』

很多事情，在中段時期梗會有混亂的時候。不過到最後階段，結果通常都會比想像中的好，這就是所謂「船到橋頭自然直」。難道你們不曾經歷過嗎？

有時學野，一做錯或者唔記得的時候，實會有俾人串的機會，但我淨係識回敬佢地一句「我識就唔使來學啦」。說話時記住要鏗鏘有力，如果有交學費的話；聲量可增強十倍！

呢句說話係我媽咪起我考試時同我講的。我初時都唔太相信，但諗深一層，平時一些普通的測驗我都很緊張咁去讀，無理由長期的努力不及抱佛腳的一晚強吧？！

常言道「人生不如意事；十常八九」。但我卻不敢苟同，只因我們不能看見未來。

小強有一天遇上了小小的車禍，令到他錯失了一班很重要的航機。翌日電視播出該班航機失事的新聞，他才知道『塞翁失馬焉知非福』！

雖然我們不能預知未來，但抱著樂觀的心態去面對逆景，做人先有希望嘛！我們又怎能肯定，黑暗之中沒有人為你點起亮光呢？

我只是想說，不如意事，並非如我們想像中那麼差的，等著看吧！