2004 年 01 月 01 日 星期四 【寒冷】

狂訓.

如果,要由零晨零時寫起,我應該寫...
在中環許願樹前倒數,一眾中學同學,一起由20開始數,失聲的我實在嗌不出來,只好做手勢,迎接著2004年新一年的來臨,很忙碌呀!!又要倒數,又想send sms 俾碧x,我o的細妹...結果,梗係做唔到...但很高興,能跟好友共聚一堂,雖然我精神有點呆滯,但都okay o既, ideal 來說,如果大家都會擁抱一番便來得更可愛...
接著便回家,有點無聊,總覺得倒應周圍走一回,想過到尖咀,也想到西貢,我的自由行癮又發作,我怕我自己太習慣一個人了,... 結果,撐著醒忪的睡眼,聽著不熟悉的話題,喝著唔應該飲的凍飲,過了2004年第一個零晨時份,到了家門,轉身由走返出去,總想再走一趟,算啦,話晒一個女仔,好快又打道回府,訓到中午...
醒過來,吃個中午飯,執拾再執拾....

>>2004年01月03日Sat 02:18:41 (GMT+8)

2003 年 12 月 31 日 星期三 【寒冷】

要走喇,仲係有點辛苦...有點唔捨得.

晚上,死樣依舊.

零晨記起的話... 應該在唱歌之類的,邊咳邊唱聖誕歌.之後去了別的房間玩遊戲...
玩了一個 once upon a time, 很靚的牌呀!!! 我發覺我吹水都幾叻!!
跟住又看著床上大戰,好似睇電視咁睇...
跟住玩angel and devil... 佢地好勁呀... 小小的眼神動作都好快被佢地識穿,知道呢個game好耐,然而可能太用腦的關係,都無乜幾可有得玩....實在太好喇!!!!之後... 反而做主持仲多野講...
很快便要收拾一番到機場了,天氣很冷很冷,不太餓,可能咳的關係,唔多想食野...
記得以往的tour,好多時我都是有點鬧情緒的一位,會將自己由一個受人喜歡的角色打到一個別人不敢跟我交談的位置,可能經歷多了,人也成熟了,反過來,一如關秋所說,成了一個comforter,傻妹,希望你無事啦.
在飛機上,吃個頹頹的發機餐,第一次乘坐這種蚊型機... 有一點搖晃...又坐不到窗口位...其實,都無所謂o既,很想睡,但睡不了多久又咳醒了,橙...
誠實的我被的了去探熱.... 幸好沒有發燒... 未走到運輸帶已嗅到一陣很香的酒味,哈哈哈,我的袋子盛了九"程"酒,其實,得一樽係我,.... 結果,我的袋成了大酒袋,仲變埋違禁品,麻煩了醫生爸爸帶走它...
開了電話,收到sms,晚上會去倒數,怕陪不到家人,沒有跟大夥兒吃午飯便乘巴士走了,等了很久巴士,在巴士上睡得很香甜,但車程勁耐,訓醒都仲係o係tko... 吃過飽飽的午飯,便回家蒙頭大睡了...
吃過晚飯,便出去了,束好頭髮,還用上靚靚的釵,但卻精神不振的樣子,沒精打采地跟著大夥兒由銅鑼灣走到中環...

>>2004年01月04日Sun 20:13:12 (GMT+8)

2003 年 12 月 30 日 星期二 【寒冷】

都仲係病到...未至於五顏六色,但都幾辛苦...

要往杭州的關係,很早便起床,食過早點,在車上邊咳邊睡,很辛苦呀,到了第一景點,烏鎮,很靚很靚,一個很江南的感覺,拍了很多照片,如果可以多留一會便好了,那些楊樹,那些小橋,那條小河,那些瓦片屋,一切都很美很特別,還有很香醇的三白酒,正!!! 真的很美,很想有機會再去一趟!!!!
離開烏鎮,向杭州出發,在西湖旁吃午飯,看見聞名而久的雷峰塔,我想,應該看不到白素貞,看不到許仙,看不到阿雪,也看不到步驚雲與聶風吧,但總算來過一趟,感覺很特別.很大很平靜的西湖,心中有說不出來的舒服感覺,雖然很美,沒有太大拍照的意欲,我覺得應該在湖邊漫步,去感受一番,讓自己的心靜下來,甚麼也不想,清爽的天氣加溫暖的陽光,很好的配搭,好憾的是空氣依舊的差,煙霞依舊的濃,這也沒法吧,也不阻本小姐的雅興!!! 拍過了美麗的照片,坐上小船,遊了一遍,不錯,或許在湖邊漫步或搭著單車應該更好,但無謂又離群啦,我相信總有一天能重遊舊地,到時又有另一番的感受!! 很想踩著單車感受一番... 要上車了,卻遺下了居樂,倒真的有點擔心,幸好,最後的完整.....
到了龍井茶村,很香很香的茶,正....

遲O的再寫.... 要開工做野喇.

>>2004年01月04日Sun 20:55:33 (GMT+8)

2003 年 12 月 29 日 星期一 【寒冷】

病到無精神,死樣一副.

從新天地回來後,趕快的沐浴更衣,便去睡了...
吃過早餐便又復出發,開始有點咳仲講野有點辛苦,先到豫園,那些建築物很有特色,跟北京的是另一類的東西,顏色樸實,不是那些藍綠的浮誇色調,感覺很舒服,很想能走完一趟,無奈真的時間不夠,拍了很多照片,還吃了冰糖士多啤梨,正!!!!
離開豫園,去看絲綢,所被devil重擊頭部....嗚....再去食飯,跟住就好似去o左法租界....好似去埋南京路,跟住食晚飯,再去外灘....講真,真係無乜特別...當中少不了拍拍照片吧....東方明珠塔...

>>2004年01月04日Sun 20:23:28 (GMT+8)

2003 年 12 月 28 日 星期日 【晴】

好凍,筋疲力竭... 又病過.

起床,二妹同三妹原來係懶訓豬...
練歌,食lunch,好特別的買票方式呀!!!都幾好味.練歌,換衫,好凍,對腳好倦,聲線不太okay,唱得麻麻.換衫,外出去交流一下,不適的我沒有太多話,只作旁聽,吃過晚飯,乘地鐵出發,往新天地,邊走邊拍照,也邊caroling,無聲的我竟然發司號令,氣氛很好很特別,這兒的地方也經特別的粉飾,蠻特別,但另一方面,又覺得好人工... 第一次喝熱朱古力加杏仁酒,杏仁味很濃,說了一個好好笑的鬼故,跟一個唔驚險又唔好笑的鬼故,多坐了一會便打的回酒店,還將相片upload,吹了一會水,,收拾好便睡了.

>>2004年01月04日Sun 20:45:51 (GMT+8)

2003 年 12 月 27 日 星期六 【晴】

勁早起身,孤身走我路?!

零晨四點半便起床了,還收到亞馬的morning call, 天氣很冷,還天黑,一個人拖著行李離家,感覺格外孤單,乘上第一班巴士向著機場出發,收到朋友給我的sms問候,謝~上車不久便睡著了,睡醒時剛好到機場,可能太耐沒乘長途車的關係,落車時覺得想嘔的感覺,所以都精神不振呆呆滯滯般的樣子.
跟亞馬,nora,julie(a),stella,teresa,mandy,lydia吃早餐,吃過後好了好多,很快便要上機了,跟nora,teresa亞馬坐在一行,後面都是我們的人,好像包了架機咁!!! 未試過四十多人一起去旅行!!yeah!!!
一落機,便感受到濃濃的寒意,媽,好凍呀!!!!!!!!!!! 乘上旅遊巴往酒店出發,放下行李,執好譜子,食過午飯便去綵排,真係好鬼凍,仲要個toilet無燈... 餓著肚子,抵著寒冷再跟交大的同學一起夾... 都唱得okay o既,九點先食晚飯,真係飢寒交迫咯...

>>2004年01月04日Sun 20:37:33 (GMT+8)

2003 年 12 月 26 日 星期五 【晴】

去o左睇戲.

約了一新相識的朋友去看戲,看的是lord of the ring 3. 先吃了麥記,實在太耐無食過,坐在寬敞的戲院中,正!!!那一段唱著歌,感覺好正.係好睇o既. 要返去執行李了,應該搭東隧o既... 上o左賊船?!?!?! 算啦...

>>2004年01月06日Tue 22:19:38 (GMT+8)

2003 年 12 月 25 日 星期四 【晴】

去o左玩.

聖誕... 主耶穌基督的降生... 我就走o左約朋友仔去玩.
去的是海洋公園...之前都有擔心去唔去好呢...唉,死就死啦,放假梗係要玩得開心o的o架啦.
每當玩第一樣機動遊戲,我都會好驚,先玩的是滑浪飛船,好驚,真係拗底... 等待的時候還唱著似水流年...就似小木船,遠景不見,但仍向著前...真係好貼切呀!!! 我都係第一次坐前面,風褸遮擋加適當的坐位安排,都無乜濕到.跟著玩越礦飛車,正!!! 接著是沒有人排隊的跳樓機,玩了三次,次次玩次次驚次次都緊握扶手...,應該握唔爛隻扶手o既,最後一次是選著對家位,仲刺激呀!!!下次要學下唔扶先!!! 跟著係海盜船與過山車,少不免大叫狂呼,正!!!! 遊歷一下其他景點... 乘纜車回去,乘纜車時,週圍都很寧靜,感覺好舒服,如果,時間能停留在這一點便好了,看過表演玩過動感影院便走了.吃了一頓日本菜,如果唔係食得咁快,其實都唔使叫多樣... 結果就好飽啦. 接著要回宿收拾,拖著疲累的身軀回家! 這是我第24個聖誕節了.

>>2004年01月06日Tue 22:29:28 (GMT+8)

2003 年 12 月 24 日 星期三 【晴】

好驚自己仲未好番....
為了唱x"mas carol, 特登請了假.... 最後的一次,真係好正...
若不是有約在先,我都想join 佢地繼續carol... 算啦.下年應該仲有o卦.
四處都好多人呀,有交換聖誕禮物,走過尖咀,在鐘樓下聽著十二點的來臨,印象中,第一次有人跟在一起迎接聖誕.乘船過海,腳累的關係,坐在皇后像廣場,聽著月半彎,有一種可愛的甜意在心中擦過,但總覺得這不屬於我的.只好帶笑去細聽... 食過甜品與糖水,便回家了.

>>2004年01月06日Tue 22:35:02 (GMT+8)

2003 年 12 月 23 日 星期二 【晴】

仲係好唔舒服,食野都係有點辛苦,早上看過醫生,要排期喎...
晏畫食米線都食唔落,夜晚仲要出去食annual dine,
食o左藥,都好o左點...

>>2004年01月03日Sat 02:07:20 (GMT+8)