(第二回) "芷茵!芷茵!等等我呀!"央登一路跑一路叫."追到你啦!重咩唔等埋我呀!" "鬼叫你亂講野呀!"芷茵又再次嘟起佢個嘴. 央登擺出一副'我邊有?'既表情."行啦,我地去睇戲囉." "咪住!你唔係又要我陪你睇果d野呀?"芷茵一臉驚慌問. "果然係我老婆仔呀!次次都估中我諗咩嫁啵!"央登笑笑口講. "唔...唔去呀!我唔睇呀!"芷茵白哂面叫. "呵呵!冇得你話唔去呀!"央登一手攬住芷茵條腰笑住向戲院既方向前進. "唔好呀!放開我呀!"芷茵大叫. ------------------------------------------------------------------- "呀...呀...唔好呀!"芷茵一路尖叫一路拉央登件衫. "呵呵!點解你睇親鬼片都叫個不停嫁?"央登攬住芷茵入懷輕笑. "咁你明知我驚點解重要睇親戲都睇鬼片呀?"芷茵拉住央登隻手講. "因為你驚個樣好攪笑囉!唔係成日睇到呀!"央登見到芷茵想講野就講左句. "嘩!依隻鬼好恐怖呀!""唔好呀!"芷茵將個頭靠哂落央登度. "哈哈!真係好玩啦!"央登笑得好開心咁講. ------------------------------------------------------------------- "衰人衰人衰人!"芷茵一路用手打落央登度. "痛痛痛!!!"央登叫左幾聲."唔好嬲啦,同你上山頂睇夜景呀,好冇?" "嗯!放過你啦,行囉!"芷茵興奮咁拉住央登行. 終於上到山頂既2人. "嘩!好靚呀!"芷茵興奮到大叫. "呵呵!靚呢!"央登拎左個盒出黎."送比你嫁芷茵,開黎睇下鍾唔鍾意." "耳環?好得意呀個款."芷茵除左自己帶緊既耳環,想帶起新既耳環, "我幫你啦!笨手笨腳呀你."央登拎起對耳環帶落芷茵既耳度."靚左好多呀!" "咩靚左好多呀!我平時唔靚咩下?"芷茵瞇起隻眼講. "我邊有講野呀,你聽錯呀!"央登見芷茵唔信佢,即刻轉話題,"你送咩比我呀?" "嘻嘻!"芷茵比左一個袋仔央登."咩黎嫁?"央登打開左個袋. "頸鏈?嘩!係我個央字呀!好靚呀,係邊度買嫁?"央登興奮到即時帶起. "唔話你知!你鍾意未得囉!"芷茵笑笑口講. "多謝老婆仔!抵錫!"央登講完就錫左啖芷茵. 之後佢地2個係山頂坐左一陣,央登見芷茵靠住自己訓左,就抱起芷茵返屋企. "爛訓豬!"央登望住芷茵既樣輕笑. ------------------------------------------------------------------- "央登,你做咩成日笑笑口呀!痴左線呀?"右典對住一直傻笑既央登講. "右典呀!我地就黎生日啦,唔知芷茵點同我慶祝呢?呵呵!"央登笑得好開心. "我點知呀?"右典望到央登既頸鏈."你條鏈好正呀,有你個名既,邊度買嫁?" "嘻嘻!唔知啵!芷茵送嫁."央登今次笑到對眼都瞇起哂. "你睇你個樣呀!真係難頂呀!我返房啦."右典講完就起身返房. 央登突然諗起一樣野,就走去右典身邊講左一d野. "你講真嫁?唔好玩喎."右典聽完一臉唔相信. "真嫁,我決定左啦,你得唔得閒呀?陪我去買呀!"央登一臉認真. "好啦!真係估唔到你會咁做!"右典搖哂頭講. "行啦!快d啦!唔係賣哂呀!"央登一臉急躁對右典講. "係啦係啦!而家咪行囉!"右典低頭輕聲講."果d野點會賣哂呀,白痴既." "右典,快d啦!"門口傳黎央登既聲音. "得啦!"右典急急腳出去. (第二回完) 小小:哈哈~重諗住二回完添,點知重未作好喎. 右典:又話加我對白,下? 小小:我有加呀~你今回講左9句野呀!比上回多左4句對白呀! 右典:9句咁少,你係咪想我殺左你呀? 小小:重...重咩喎.咁主角係央登呀嗎,你緊係少d對白嫁啦. 央登:冇錯冇錯.依篇係我既賀文. 此時由遠處傳黎2把聲. 涼平:慶太,我地今回冇出過場... 慶太:重一句對白都冇... 央登:嘩!嚇死人咩. 涼平:右典就好啦,有得出場呀... 右典:喂,我得9句對白咋喎. 涼平:我上次都係得10句咋. 慶平:你地有9句10句對白咪好囉,我上次得2句對白,今次重1句都冇... 小小:哎呀!你地唔好咁啦,下次...下次我確定你地人人有得出場同有對白講. 右典:幾多句先? 小小:邊有人咁問嫁?放心啦.作完央登即刻作你果篇. 右典:係未真係先?唔好呃我呀! 小小:係呀!唔呃你,不過可能過左你生日喎,你唔介意呀嗎? 右典:點解呀?唔可以係我生日前作哂咩? 小小:鬼叫我係會考生咩,我都唔想嫁. 右典:咁好啦! 慶太:究竟頭先你地去買咩呀? 右典+央登:唔話你知. 涼平:咁下回見啦,請大家繼續支持小小呀!byebye! |